Reshje bore/ Pas një nate me borë dhe erë të fortë, ARRSH: Ja akset me probleme…

Pas një nate me reshje bore e shoqëruar me erë të fortë, akse problematike sot konstatohen në Qarkun e Gjirokastrës dhe atë të Shkodrës.

Autoriteti Rrugor Shqiptar, ARRSH, duke publikuar situatën në rrugët nacionale dhe lokale, rekomandohen përdoruesit e rrugës, të bëjnë kujdes në lëvizje, të respektojnë sinjalistikën dhe udhëzimet e Policisë Rrugore.

Njoftimi

Në Rajonin Jugor Gjirokastër:

Në Qarkun Gjirokastër qarkullimi kryhet normalisht në të gjitha akset.

Në Qarkun Vlorë qarkullimi kryhet normalisht në të gjitha akset.

Në Qarkun Korçë, gjatë orëve të natës ka pasur reshje bore. Kontraktorët kanë vazhduar punën për pastrimin dhe zgjerimin e akseve dhe shpërndarjen e kripës. 
-Qarkullohet me zinxhir:
Rruga K/Boboshticë- Dardhë,
Rruga Qafë Qarri-Ersekë

Në Rajonin Qendror Tiranë: 
​Të gjitha akset e këtij Rajoni qarkullohen pa probleme.

​Në Rajonin Verior Shkodër: 
Gjatë natës ka pasur reshje bore shoqëruar me erë të fortë. 
-Qarkullohet me zinxhir, ose pjesërisht me zinxhir ne rrugët:

Zalldardhë-Reç-Draj Reç
Kryqëzim Domaj-Draj Reç
Ura e Cerenecit-Steblevë, 20 km e fundit të aksit.
Kuben-Vasie
Trebisht-Doganë
Qafë Bualli-Krastë Rekomandohen përdoruesit e rrugës, të bëjnë kujdes në lëvizje, të respektojnë sinjalistikën dhe udhëzimet e Policisë Rrugore.