Reshje bore/ Rikthehet dëbora, zbardhet edhe Durrësi

Mëngjesi ka gdhirë në shumë qarqe me reshje bore, temperatura të ulëta dhe erë të fortë.

Reshje bore intensive kishte në veri të vendit si në Dibër, kryesisht në zonat malore por edhe në Juglindje. Edhe Korça ishte e mbuluar nga dëbora.

Surprizë ishte dëbora në Tiranë dhe Durrës, qyteti të cilën arriti ta zbardhë që në orët e para të mëngjesit.

Moti i keq i shoqëruar me erëra të forta, ka sjellë probleme në rrjetin elektrik në disa zona të Fushë-Krujës. Sipas OSHEE, gjatë orë 2 të mëngjesit, erërat e forta kanë shkaktuar dëme në disa pjesë rtë rrjetit ajror elektrik në këto zona e për pasojë probleme me furnizimin me energji elektrike kanë Nikla, Thumane, Bubq dhe një pjese e qytetit Fushe Kruje. 

Ndërkohë si pasojë e erës së fortë është përmbys një kamion në superstradën Lezhë-Laç, pran Urës së Milotit. Mësohet se nga aksidenti nuk ka të lënduar.

Policia ndodhet në vendin e ngjarjes.