Reshje Bore/ Rikthehet dimri, ARRSH: Ja akset ku duhen zinxhirët…

Gjatë mbrëmjes së të hënës dhe orët e para të mëngjesit të ditës së martë janë shënuar ulje të ndjeshme të temperaturave, erë e madhe si dhe reshje bore në veri dhe juglindje të vendit.

Për pasojë janë shfaqur edhe vështirësi të shumta në lëvizjen e njerëzve dhe mallrave ndërkohë janë bllokuar edhe disa rrugë. Autoriteti Rrugor Shqiptar, ARRSH, i bën thirrje drejtuesve të mjeteve që të kenë kujdes pasi për shkak të reshjeve të mëdha të borës në disa akse është i domosdoshëm përdorimi i zinxhirëve.

Njoftim

Gjatë natës ka pasur reshje bore në veri dhe juglindje të vendit.
Kompanitë e mirëmbajtjes me mjetet borëpastruese dhe fuqi punëtore kanë qenë në gadishmëri.

Në Rajonin Verior pavarësisht reshjeve të dendura të borës në akset krysore nuk ka probleme me qarkullimin, me zinxhir kalohet vetëm në:
Ura Çerenecit-Stebleve kalimi behet (10km e fundit, 4-5cm bore, fryn erë dhe herë-herë krijohen duna).

Kuben – Vasije pjesërisht me zinxhirë në 5 km e fundit në lartësi 10-15 cm bore.

Në Rajonin Qendror nuk ka probleme në qarkullimin e mjeteve në akset rrugore të tij.

Në Rajonin Jugor nuk ka probleme në qarkullimin e mjeteve në akset rrugore të tij.

Drejtuesit e mjeteve te tregohen te kujdesshëm, të respektojnë sinjalistikën rrugore, të ecin me shpejtësi të reduktuar dhe të vendosin zinxhir në akset ku kemi lajmëruar.