Reshje bore/ Shfaqen probleme në qarkullim, ARRSH: Ja akset ku duhen zinxhirët…

Nata me reshje shiu dhe bore si dhe ulje të temperaturave ka bërë që të shfaqen sërish probleme në disa akse rrugore, ku janë të domosdoshme edhe zinxhirët.

Autoriteti Rrugor Shqiptar, ARRSH, ndonëse bënë me dije se të gjithë kontraktorët janë në gatishmëri dhe po punojnë për pastrimin dhe shpërndarjen e kripës në segmentet ku ka prezencë bore, rekomandon përdoruesit e rrugës, të bëjnë kujdes në lëvizje të reduktojnë shpejtësinë për shkak të lagështisë në rrugë, dhe të respektojnë sinjalistikën rrugore.

Ja gjendja e akseve kombëtare: 

Në Rajonin Verior Shkodër: Gjatë natës ka pasur reshje shiu dhe bore. Trashësia e borës shkon nga 10-40 cm. Kontraktorët po vazhdojnë punën për pastrimin e akseve dhe shpërndarjen e kripës.

Qarkullohet me zinxhir në rrugët:
Ura e Cerenecit – Stebleve, 25 km e fundit, ka pasur rreth 20 cm bore.
Trebisht – Dogane, ka pasur rreth 5-10 cm bore.
Qafë Bualli-Krastë, ka rreth 20 cm bore.
Kuben-Vasie, ka rreth 40 cm bore.
Të gjitha akset e tjera qarkullohen pa probleme.

Në Rajonin Qendror Tiranë: Ka pasur reshje shiu. Në akset e Dajtit ka pasur reshje të dobëta bore. Deri tani nuk ka probleme për qarkullimin.
Në Librazhd-Steblevë, ka pasur rreth 20 cm bore. Po punohet nga kontraktori për pastrim dhe shpërndarjen e kripës.
Të gjitha akset e këtij Rajoni qarkullohen normalisht.

Në Rajonin Jugor Gjirokastër: Në Qarkun e Korçës ka pasur reshje shiu dhe në lartësitë mbi 1300 m, ka pasur reshje bore. 
Të gjitha akset e këtij Rajoni qarkullohen normalisht.