Reshje dëbore gjatë natës, ARRSH: Rekomandohet përdorimi zinxhirëve në akset…
Gjatë natë kishte reshje dëbore në gjithë territorin shqiptar ku temperaturat kanë shkuar deri – 17 °C ndërkohë Autoriteti Rrugor Shqiptar, ARRSH raporton për qarkullim të mjeteve që vazdon normalisht ndërsa rekomandon përdorimin e zinxhirëve në akset Qafë Mollë-Bizë, Bogë-Theth dhe Tamarë-Vermosh.
Në fund, ARRSH këshillon drejtuesit e mjeteve të bëjnë kujdes, të reduktojnë shpejtësinë, të pajisen me zinxhirë dhe goma dimërore, të respektojnë sinjalistikën rrugore dhe të ndjekin udhëzimet e Policisë Rrugore.
Njoftim
Gjatë natës ka pasur reshje dëbore në:
Rajonin Jugor, Korçë-Ersekë-Leskovik, Boboshticë-Dardhë, Qafë Thanë-Kapshticë ku është bërë pastrimi i akseve dhe qarkullimi vazhdon normslisht.
Rajonin Qendror, Krujë-Sarisalltik, Tiranë-Dajt, Librazhd-Steblevë, Zëmblak-Goricë, rekomandohet përdorimi i zinxhirëve në segmentin rrugor Qafë Mollë-Bizë.
Në Rajonin Verior, Bajram Curri-Valbonë, Kukës-Ura e Zapodit, Qafë Mali-Fierzë, Dedaj-Razëm-Bogë, Kuben-Vasije, Qafë Qelë-Pukë-Fushë Arrëz-Fushë Dukagjin, Skurraj-Peshkopi, Hani i Hotit-Tamarë, rekomandohet përdorimi i zinxhirëve në Bogë-Theth, Tamarë-Vermosh.
Kontraktorët kanë punuar pa ndërprerje me mjete borëpastruese për pastrimin e akseve dhe shpërndarjen e kripës.
Drejtuesit e mjeteve duhet të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore.
