Reshje intensive të borës nga Shkodra në Gjirokastër, bllokohen rrugë dhe mbyllen shkolla. ARRSH: Ja gjendja…

Gjatë gjithë natës nga Shkodra në Gjirokastër kishte rënie të dendur të borës gjë që ka shkaktuar vështirësi në të gjitha Qarqet ku janë mbyllur edhe shkolla. Ndërkohë Autoriteti Rrugor Shqiptar, ARRSH, raporton për një situatë të rënduar në të cilën po punohen në pastrimin e borës.

Kështu, në Shkodër, bora e dendur që ka rënë gjatë natës në Shkodër ka krijuar një shtresë 3-4 cm. 7 fadroma janë vënë në punë për të hapur rrugët e qytetit dhe shpërndarë kripë në rrugët dhe trotuaret e qytetit, pranë spitaleve dhe në hyrje të shkollave.

Kryetarja e bashkisë së Shkodrës, Voltana Ademi njoftoi se “vëmendja është përqendruar në rrugët kryesore të qytetit dhe pastrimin e trotuareve në afërsi të institucioneve të rëndësishme si spitali, shkollat etj.” 

Sipas raportimeve të deritanishme nga njësitë administrative të Bashkisë së Shkodrës, situata paraqitet si më poshtë:

Njësia Administrative Guri i Zi: rruga nacionale është e kalueshme pa probleme, në fshatrat Rragam dhe Sheldi lëvizja është më e vështirë. Në shkollat e këtyre fshatrave nuk zhvillohet mësim.

Njësia Administrative Shosh: në fshatra trashësia e dëborës është 15- 20 cm dhe reshjet vazhdojnë. Rruga momentalisht është e kalueshme me zinxhirë. Shkollat nuk janë hapur nga vështirësitë e krijuara nga dëbora.

Njësia Administrative Dajç: rrugët janë ta kalueshme, nuk paraqiten probleme.

Njësia Administrative Ana e Malit: dëbora ka një trashësi 4-5 centimetër, nuk ka probleme për qarkullimin

Punonjës të Ujësjellës- Kanalizime Shkodër po vijojnë hedhjen e kripës në rrugët e qytetit të Shkodrës. Puna është përqendruar në rrugët kryesore të qytetit, aty ku qarkullimi i mjeteve dhe i qytetarëve është më i dendur për të vazhduar në të gjitha hapësirat publike.

Njësia Administrative Postribë: Firma kontraktuese për mirëmbajtjen e rrugëve po punon me dy fadroma. Një fadromë po punon për pastrimin e rrugës nga Ura e Bardhajve drejt fshatit Postribë, ndërsa një tjetër nga Pulti në drejtim të Mesit.

Njësia Administrative Velipojë: rrugët janë të kalueshme, mësimi në shkolla vazhdon normalisht.

Njësia Administrative Pult: trashësia e dëborës është 20 cm, në qafën e Malit të Shoshit trashësia është 30 cm. Rruga është e kalueshme dhe një fadromë është në gatishmëri për çdo eventualitet.

Njësia Administrative Rrethina; reshjet e dëborës nuk kanë shkaktuar probleme në qarkullim. Mësimi në shkolla vazhdon normalisht, qendrat shëndetësore janë në punë.

Njësia Administrative Berdicë: rrugët janë të gjitha të kalueshme pa probleme. Mësimi në shkolla vijon normalisht, qendrat shendetësore janë të hapura

Edhe në Gjirokastër, reshjet e borës që nisën mesnatën e mbrëmshme vijojnë me intensitet. Në qytet lartësia e borës ka shkuar në rreth 15 cm ndërsa Drejtoria Arsimore ka njoftuar pezullimin e mësimit për sot në të gjitha shkollat. Sipas vendimit të DAR orët që humbasin sot do të zëvendësohen në ditët e ardhshme

Qarkullimi i automjeteve në qytet pothuajse i bllokuar. Situata paraqitet e vështirë në të gjithë qarkun, sidomos në zonat malore ku gjendja paraqitej e vështirë edhe ditët e kaluara.

Rrugët nacionale të kalueshme vetëm me zinxhirë dhe goma dimërore. Raportohet se akset nacionale Gjirokastër-Kakavijë të bllokuara dhe asnjë borëpastruese nuk ndodhet në  terren.

Reshjet e borës kanë përfshirë edhe qarkun e Korçës. Të gjitha akset janë të kalueshme vetëm me zinxhirë . Reshjet kanë arritur trashësinë 10 cm, ndërsa zonat malore 20 -25 cm.

Akset janë të kalueshme me vështirësi dhe zinxhirë për shkak të temperaturave tepër të ulëta dhe akullit në rrugë.

Ndërkohë Lushnje temperaturat janë regjistruar mbi 2 °C gjatë natës, nuk ka ngrica dhe probleme në rrugë.

Reshje të dendura të borës kishte edhe në Peshkopi.

Në Aksin Qafë Buall – Peshkopi kalohet me shumë veshtirësi me zinxhirë. Nuk ka as makina borëpastruese dhe askush nuk hedh kripe. Nuk ka as prezencë policie dhe rruga Qafë Buall – Peshkopi vazhdon të jetë nën pushtetin e borës.

Mirëpo, përkundër raportimeve nga këto qytete me rrugë të bllokuara, Autoriteti Rrugor Shqiptar, ARRSH, paraqet një tjetër pasqyrë:

Njoftim

Gjendja aktuale e akseve kryesore të vendit
Gjendja në gjithë segmentet rrugore nga Qafë Mali deri ne Qafë Muzinë është e rënduar për shkak te temperaturave te ulëta dhe reshjeve intensive te bores.
Gjendja e rrjetit rrugor dhe kushtet e qarkullimit të automjeteve paraqiten si më poshtë:
Në Rajoni Verior Shkodër: Gjate natës e deri më tani ka pasur reshje dëbore me intensitet. 
 Kontraktoret kane bere pastrimin dhe trajtimin me kripe te gjithe segmenteve rrugore. Qarkullimi kryhet pa zinxhir ne akset Kukes – Bushtrice dhe Kukes – Ura e Zapodit, Qafe Lac – Koman, Koplik – Boge, Dedaj – Razem. 
 Ne segmentin Skuraj – Burrel – Klos – Bulqize – Peshkopi aktualisht levizja e mjeteve kryhet pa zinxhire por rekomandojme perdorimin e zinxhireve dhe gomave te bores pasi rreshjet po intensifikohen. 
Ne rruge Ura e Cerenecit – Stebleve, po punohet me borepastruese dhe fadroma per pastrimin e rruges dhe qarkullimi kryhet me zinxhire vetem ne pjesen fundore. 
Ne segmentet e meposhme qarkullimi kryehet me zinxhire: 
Qafe Mali – Fierze (ka rreshje me intensitet, rreth 20 cm bore), Qafe Qele – Puke – Fushe Arrez – Kukes, Shkoder – Hani I Hotit dhe Ura e topojanit – Dogana Bllate. Firmat e mirembajtjes po punojne intesivisht me borepastruese e trajtim me kripe per pastrimin total ne ketyre segmenteve.

Ne Rajonin Qendror Tirane: Gjate nates dhe tani , ka rreshje shiu dhe bore. Ne akset e Dajtit po punohet nga kontraktori per pastrim dhe trajtim me kripe. Segmenti Qafë Priske – Qafë Mollë – Shengjergj, Trau Dajt – Teleferik qarkullohet me zinxhire. Rreshje te dobeta ka patur ne Gjinar dhe Stebleve. Po punohet intensivisht per pastrimin e akseve. Deri tani nuk ka probleme. Ne Librazhd – Qafe Thane, ka patur rreshje me intensitet. Qarkullimi rekomandohet me zinxhire.

Ne Rajonin Jugor Gjirokaster: Ne Qarqet Korce dhe Gjirokaster ka reshje me intensitet te larte. Ne akset e Korces trashesia e bores shkon rreth 20 cm. Ne akset e Dardhes, Voskopojes, Korce – Qafe Qarri – Erseke, Liqenas – Dogana Gorice, qarkullohen me zinxhire. Aksi Kryesor Qafe Thane – Pogradec – Korce – Kapshtice, qarkullohet me zinxhire. 
Edhe segmentet Tepele – Dorez – Qafe Dushk dhe Sevaster – Kalivac, Permet – Carshove, Ura e Leklit – Kelcyre , Jorgucat – Muzine – Syri i Kalter, Gjirokaster-Tepelene dhe Gjirokaster Kakavije, qarkullohet vetem me zinxhire. Rruga Dukat – Llogara – Sarande eshte e hapur dhe qarkullohet pa zinxhire. Sipas parashikimit meteorologjik moti do te perkeqesohet, do ju njoftojme here pas here per ndryshimin e gjendjeve te akseve kryesore. Rekomandohen përdoruesit e rrugës të tregojnë kujdes dhe të respektojnë sinjalistikën rrugore. Të vendosin zinxhir në akset që përmendëm më sipër, të respektojnë udhëzimet e Policisë së Qarkullimit Rrugor, të lëvizin me shpejtësi të reduktuar dhe të përdorin gomat e dimrit