Reshje të dendura shiu, Tropoja në rrezik, në Vlorë dhe Durrës ndalohet lundrimi i anijeve

Çarja e digës në Zherkë dhe përmbytja e Vladit janë rreziku më i madhe me të cilën po përballen banorët në Njësinë Administrative Bytyç të Bashkisë Tropojë, pas reshjeve të dendura të shiut për 48 orë dhe që vijojnë, ku për pasojë jo vetëm rrugët dhe kanalizimet janë të tejmbushura, por nga gërryerjet dhe shembjet e mëdha janë në rrezik edhe shtëpitë.

“Pothuajse në të gjithë territorin e Bashkisë përshkallëzimi po shkon drejt një katastrofe natyrore,” ngre alarmin Kryetari i Bashkisë Tropojë, Rexh Biberi, ndërsa apelon për masa urgjente që duhet të marrin institucionet përgjegjëse shtetërore.

“Kujdesi më i madh duhet të jete tek rezervuaret e tejmbushur të cilët rrezikojnë në raste si ky,” thekson Rexh Biberi.

Ndërkohë në Zherkë diga është çarë ndërsa banorët e zonës po raportojnë për një gjendje alarmante:

Prurjet e mëdha të ujërave tashmë edhe me digën e çarë në Zherkë rënduan edhe më shumë situatën në Vlad e cila ka përfunduar nën ujë shumë orë më përpara kur diga ishte tejmbushur, duke shkaktuar dëme të kosniderueshme materiale.

“Ne jemi e do të jemi pranë qytetarëve kudo ku janë në vështirësi me mjetet dhe burimet tona njerëzore që të përballojmë këtë situatë të rëndë e të papritur,” shprehet Kryetari i Bashkisë Tropojë, Rexh Biberi ndërkohë banorët e Bytyçit po vazhdojnë me përballjen e pasojave nga reshjet e dendura që vijojnë.

Ndërkohë për shkak të motit të përkeqësuar me dallgë që arrijnë deri në 2.5 metra lartësi, Kapiteneria e Vlorës bënë të ditur se mjetet e vogla lundruese dhe anijet e peshkimit nuk duhet të dalin në det,

Sipas njoftimit, përmirësimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas datës 18 shtator.

Ndërsa në portin e Durrësit nuk ka pasur bllokime lundrimi të mjeteve të mëdha lundruese. Tragetet kanë hyrë dhe kanë hyrë në port që në oren 6 e 30. Edhe në Durrës njësoj si në Vlorë peshkatoret nuk kanë dalë në det nga koha e keqe. Dallgezimi në afersi të bregdetit të Durresit është rreth 6 ballë.

Njoftimi:

Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj për daten 17-18 shtator 2022 nga ora 01:00 deri ne oren 24:00 në drejtimin Jug-JugPerëndim në forcën 5-6bft, 1.00-1.50m brenda gjirit të Vlorës dhe jashtë gjirit të Vlorës në forcën 6-7bft deri 8bft 15-20m/s dhe lartësi dallge nga 1.50 deri 2.50 metra.

1. ESHTE NDALUAR DHËNIA E LEJE-NISJES E TË GJITHA MJETEVE TË VOGLA LUNDRUESE, ANIJEVE TË PESHKIMIT QË OPEROJNË JASHTË GJIRIT TË VLORËS DHE MARJEN E MASAVE PËR SIGURIMIN E TYRE.

2. MJETET E VOGLA LUNDRUESE DHE ANIJET E PESHKIMIT QË OPEROJNË BRENDA GJIRIT TË VLORËS TË KENË NË KONSIDERATË KUSHTET E PARASHIKUARA TË PËRKEQËSUARA DHE MARJEN E MASAVE PËR SIGURIMIN E TYRE.

3. Njoftohen të gjithë drejtuesit anijeve të peshkimit dhe mjetet e vogla lundruese për situatën e përkeqësuar dhe të merren masat për sigurimin e mjeteve në vendet e akostuara dhe parandalimin e ngjarjeve dhe situatave gjatë datave 17 shtator 2022 deri ne daten 18 shtator 2022.

4. Përmisimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas datës 18 shtator 2022 ora 20:00.