Reshjet e shiut dëmtojnë çatinë e spitalit në Pukë, dalin jashtë funksionit Pediatria dhe Patologjia. Probleme…

Reshjet intensive të shiut dhe erërat gjatë natës dhe mëngjesit të sotëm kanë shkaktuar disa probleme në rrethin e Pukës.

Reshjet kanë dëmtuar çatinë e Spitalit të Pukës, ku pavioni i Patologjisë dhe Pediatrisë kanë dal jashtë funksionit.

Gjithashtu, si pasojë e reshjeve intensive të shiut, në disa rrugë nacionale ka rrëshqitje dherash ndërsa në akset rurale ka dëmtime të mëdha.

Ndërkohë energjia elektrike në Pukë mungon që prej pasdites së një dite më parë.

Sot, Instituti i Gjeoshkencave parashikon reshje intensive në qarqet Shkodër dhe Kukës, që pritet të shoqërohen me shtëngata në shumicën e qarqeve. Shtrëngatat dhe intensiteti i lartë i reshjeve, mund të krijojnë probleme të ndryshme si dhe vërshime të ujit në zonat urbane, në varësi të sistemit të kanalizimeve.

Ndërsa në lartësitë mbi 1000 m nga niveli i detit, reshjet në Verilindje të vendit pritet të jenë në formë dëbore.