Reshjet intensive të shiut, ARRSH: Rënie gurësh në rrugë, ja akset problematike…
Gjatë natës ka pasur reshje intensive të shiut që kanë shkaktuar dhe problematika të ndryshme në rrugë.
Autoriteti Rrugor Shqiptar, ARRSH, raporton se në disa segmente rrugore, si në akset e qarkut të Tropojës, në zonën e Murrashit, Mjedë-Pukë-Fushë Arrëz-Kukës, Kukës -Bushtricë ka pasur rënie gurësh dhe materiale në rrugë.
“Kontraktorët e mirëmbajtjes kanë qenë në gadishmëri gjatë gjithë natës dhe janë në terren për të pastruar akset nga rënia e gurëve në trup të rrugës,” thekson ARRSH përmes një njoftimi në rrjetin social Facebook duke bërë të ditur se reshjet kanë pushuar dhe situata është përmirësuar, dhe tashmë është i mundur qarkullimi i mjeteve në të gjitha akset.
