“Respekt”: Shërbimi sekret i Çekosllovakisë, hapi dosje për Donald Trump
Policia sekrete e Çekosllovakisë komuniste ka bërë dosjen për Donald Trump pasi ai u celebrua me çeken Ivana Zelnickov, shkruan e përjavshmja e Pragës, Respekt.
“Po. Trumpët ishin në fokusin e interesit tonë,” tha për të përjavshmen çeke, Vlastimil Danek, ish-shef rajonal i StB-së (Shërbimi i Sigurimit të Shtetit) në Gottwaldov (Zlini i sotëm), qyteti i lindjes së Ivana Trump.
“E dinim që Trump ishte me ndikim. Nuk e ka fshehur që një ditë dëshiron të bëhet president,” tha Vlastimil Danek.
Kandidimi për presidenti, ide e vitit 1986
StB, në vitin 1978 fillimisht hapi dosjen për Ivana Zelnickov dhe më pas e plotësoi me informacione lidhur me bashkëshortin e saj, shkruan e përjvashmja Respekt në shkrimin të cilin e ka realizuar në bashkëpunimi me gazetën britanike The Guardian.
Ivana Zelnickov, ish-skijatore dhe top-modele që më vonë u bë biznesmene e suksesshme, më 1977 është martuar me Donald Trump me të cilin ka tre fëmijë, Donaldin e ri, Ivankën dhe Ericun.
Donald Trump, theksohet në dosje, ka filluar të mendoj për të kandiduar për president në vitin 1986, por hoqi dorë nga kjo ide duke menduar se është shumë i ri (në atë kohë ishte 41 vjeç).
“Me kandidimin e tij, dëshiron të mbetet rast i jashtëzakonshëm në historinë amerikane. Dëshiron të kandidoj si person i pavarur politikisht. Nuk është anëtar as i Partisë Demokratike dhe as i asaj Republikane, edhe pse të dyja e duan për vete,” thuhet në shënimet e dosjes. “Edhe pse duket e parealizueshme, Donald Trump është i sgurt në fitore.”
Dosjen e sigurimit të StB e ka hartuar Jaroslav Jansa, i cili raportonte për Donald Trump në vitet 1980.
Regjimi komunist në Ish-Çekosllovaki u shpërbë në vitin 1989 me revolucionin e ashtuquajtur “Revolucioni kadifejtë” që u kryesua nga Vaclav Havel, dhe zgjati nga 16 nëntori deri më 29 dhjetor të vitit 1989. Kështu, në mënyrë paqësore u rrëzua regjimi komunist i cili ishte në pushtet nga 25 shkurti I vitit 1948.
Ndërkohë, Shërbimi i Sigurimit të Shtetit, StB i cili bashkëpunoi ngushtë me shërbimet sovjetike u shpërbë në vitin 1990
