Reuters: BE do të çelë negociatat me Shqipërinë dhe Maqedoninë e Veriut

BE do të çelë negociatat e anëtarësimit me Shqipërinë dhe Maqedoninë e Veriut. Kështu raporton Agjencia e lajmeve Reuters duke ju referuar një Drafti i cili është miratuar në mënyrë unanime nga 27 vendet anëtare të Bashkimit Europianku përfshihen edhe dy skeptiket, Holanda e Franca, që siç duket kanë zbutur qendrimet e tyre.

“Shpresat e dy vendeve të Ballkanit Perëndimor për t’u anëtarësuar në BE janë thyer disa herë vitet e fundit për shkak të skepticizmit të Francës dhe Holandës, lidhur me arritjet e tyre në luftën kundër korrupsionit dhe qëndrimit në shinat e demokracisë.

Por Parisi zyrtar dhe Haga kanë lehtësuar në javët e fundit kundërshtimet e tyre dhe çështja e zgjerimit për këto dy vende u rikthye në vëmendje edhe pse Europa është goditur rëndë nga epidemia e koronavirusit.

Greqia ende nuk i është bashkuar vendimit të vendeve të bllokut, i cili kërkon unanimitetin e të gjithë anëtarëve, por burime diplomatike bëjnë me dije se Athina zyrtare e ka dhënë miratimin e saj pasi në draft u përfshinë dhe kërkesat për minoritetin në Shqipëri,” raporton Agjencia e lajmeve Reuters duke përfunduar:

“Sipas burimeve, nëse asnjë vend nuk ka kundërshti, vendimi pritet të miratohet në mesin e javës.”