Rezoluta e “patriotit” Edi Rama: Synon të lëvizë Këshillin e Evropës!

Rezoluta “Mbi pabazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri” edhe pse u tha sot nga Kryeministri Edi Rama se ka për synim lëvizjen e Këshillit të Evropës, është e qartë se pas aplikimit të Kosovës në KiE kjo Rezolutë do ti shërbejë vetëm Serbisë dhe Aleksandar Vuçiçit i cili është personi i vetëm glob që është në siklet, që nga fillimi i pushtimit rus të Ukrainës.

Për t’iu shmangur gjithë kësaj strategjie ai akuzoi opozitën, i ndau në dy grupe duke i pagëzuar të foltores dhe gojores ndërsa bëri dhe rolin më të shëmtuar që nuk e bënë dot, patriotin! Edhe pse njëri ndër antikosovarët më të dëshmuar në planetin tonë tokë, Edi Rama i lejoi vetes të akuzoi opozitën se i ka ngulur thikën në shpinë Kosovës; Se për cilën Kosovë e kishte fjalën nuk ishte i qartë, ndoshta për atë që thotë Vuçiçi, që është pjesë e Serbisë!

Sepse për Kosovën reale garant ishte dhe është SHBA, siç ishte për verifikimin e Raportit të Dick Martyt dhe krijimin e Gjykatës Speciale kundër së cilës “proamerikani” Edi Rama është kundër.

Opozitën e akuzoi sot pse sjell Rezolutë për dënimin e gjenocidit serb në Kosovë dhe pse zgjohen në vitin 2022 dhe kujtohen për Srebrenicën ndërsa Rezoluta që propozon vet ka të bëjë me një Raport që në Këshillin e Evropës ka kaluar në vitin 2011!

“Është sa e thjeshtë aq e neveritshme që e bëni këtë. Kujtoheni për gjenocidin në Kosovë, po të shohësh historinë rezolutave sheh edhe ndryshimin si nata me ditën mes jush dhe nesh. Mes asaj që quhet PD që sot se di si quhet dhe ne që quhet PS e Shqipërisë. Sa herë ka pasur krizë dhe ju është dashur ta kapërceni keni future në mes Kosovën. Merreni dhe shihini, ju e dini më mirë historinë e partisë tuaj. Shiheni se përkon me rezolutat.

Zgjoheni ju në 2022 dhe kujtoheni për Srebrenicën. Ju nuk keni lidhje, jeni gati ti rivarrosni dhe t’i fusni në varrin masiv për t’u thënë kujt të mundni që socialistët nuk duan. Jeni gati ta bëni lëmsh politikën ndërkombëtare të Shqipërisë. E keni harruar ju që ai shtet i lirë sovran demokratit është krijuar nga ata pa të cilët as ju as ata në Prishtinë nuk duhet të bëjnë asnjë hap. Nëse ju bashkë me ata në Prishtinë doni t’i bëni, bëjini, ne nuk bëjmë përpara se për të zgjidhur problemet mes foltores dhe gojores duhet dakordësia e ndërkombëtarëve,” tha Edi Rama duke shprehur dhe dashuri edhe ndaj kosovarit të dytë, meqë i pari dhe i vetmi ishte Baton Haxhiu, Hashim Thaçi; Ndoshta pse është në burg, në Hagë.

“Për të zgjedhur problemet mes gojores dhe foltores, duhet të zgjidhim problemet tona. këta jeni ju. U miratua rezoluta për Srebrenicën, u miratua apo jo. U miratua kur ishte planifikuar të miratohej, jo në ditën e foltores dhe gojores. S’keni ç’i bëni gomarit, dhe i bini gomarit.

Diçk Marty ia keni hapur rrugën ju. Ça mendoni për Hashim Thaçin? Eshtë mirë që është në burg? Thika që i keni ngulur Kosovës nga dita e parë, deri në ditën e fundit, duke e ngritur thikën dhe duke ia ngulur në gjoks presidentit të Kosovës, i përkasin historisë. Historia do të tregojë se ju ‘patriotët e mëdhenj’, jeni thika në shpinën e Kosovës. Ju kështu keni qenë gjithmonë. Bishti i shtrembër nuk drejtohet,” tha Rama duke i mohuar opozitës nëse mund të thotë ndonjë fjalë për Hashim Thaçin, UÇK-në dhe Kosovën.

“E dëgjuat, a e dëgjuat? Ka qenë 8 vjet kryetar i PD-së. Dëgjuat ndonjë fjalë për Dick Martyn, dëgjuat ndonjë fjalë për UÇK-në, dëgjuat ndonjë fjalë për Hashim Thaçin, dëgjuat ndonjë fjalë për poshtërsinë e akuzës për trafik të organeve të qenieve njerëzore. Jo. Dëgjuat vetëm për Milloshevicin dhe për mua. Po pjesën për mua duhet ta mirëkuptoni se i kam munguar shumë këtë periudhë. Ndërkohë që këtu kemi ardhur për diçka krejt tjetër. Nuk kemi ardhur të bëjmë atë që këta, të gjithë këta, kanë bërë sa herë iu është dashur ky parlament dhe Kosova si samar kur s’kanë pasur ç’ti bëjnë gomarit, cilido qoftë gomari i radhës. Asnjë fjalë për rezolutën që është fillimi i një beteje reale dhe jo vazhdimi i të folur me vete.

Nuk mund ta bartim karagjozllëkun e një politike që për 30 vjet në emër të patriotizmit dhe nacionalizmit i ka përdorur Kosovën, viktimat e spastrimit etnik për llogaritë dhe hesapet e pazarit mizerabël të Tiranës. Por nuk duhet t’ia vini re, dyshoj se do të ketë të tjerë që do ta përmendin dhe do të merren seriozisht me raportin e Dick Martyt me orkestrimin e një procesi që i dha jetë një gjykate speciale dhe po sot ajo gjykatë prokurorët e së cilës kanë ngritur një akuzë, nuk ka asnjë fakt, zero, sepse këta e kanë votuar. Historia e ka këtë të keqe, kur mendon se e ke lënë pas të vjen para. Njëherë nuk kalon dot oqeanin se të vjen historia përpara, pastaj nuk kalon dot kanalin e Gjibraltarit.

Një raport që ka çuar në Hagë jo disa persona, as disa udhëheqës të një lëvizjeje çlirimtare që ishte një rebelim siç do thoshte Fan Noli i katundarëve dhe punëtorëve që morën në një moment pushkën dhe thanë mjaft është mjaft. Kanë çuar atje Kosovën, kanë çuar atje përmes Hashim Thaçit dhe të tjerëve. Po këta burrat që vijnë këtu tregojnë lepujt nëpër qarqe, këta nuk ia përmendin dot emrin Hashim Thaçit. Dhe disa të tjerë e kanë kthyer në një tradhtar, sepse paska dashur t’iu ndajë këtyre Kosovën. Këta Kosovën e ndanë veç kur i çonin naftë asaj makinerie që bënte spastrimin etnik. Me këta trimat, me këta që i gjuajnë me gurë njeri-tjetrit. Është shumë e sikletshme patjetër sepse sot të gjithë së bashku duhet të flisnim për këtë dhe të merreshim me këtë.

Kjo nuk është një rezolutë si të tjerat, është fillimi i një rruge që do të shkojë në Strasburg. Rezolutë që synon të lëvizë Këshillin e Europës, jo ujëra e ndenjura të SHQUP-it,” tha Kryeministri Rama duke dëshmuar para opinionit shqiptar se nuk i ka as ato vlera për të cilat trumbetonin bashkëpunëtorët e tij para se ta ndiznin kryengritjen komuniste të vitit 1997.

“Gjaku i Kosovës nuk janë materiale për supën e foltores dhe as për çobën e këtyre të nënfoltores. Varret masive dhe gjaku luftetareve të UCK nuk janë menu ku fut hundët gjenerali i juaj i ushtrisë së vdekur që do të mbledhë të tjera koka të Ballkanit për ti bluar medemek në emër të kombit dhe dinjiteti shqiptar. Kjo ka shumë rëndësi sepse Kosova dhe gjaku I të gjitha viktimave dhe I heronjve dhe dëshmorë ë Kosovë përdore për atë thes. Nga doli kjo kujtesë që ne duhet të merremi me raportin e dick marty që është i firmosur dhe vulosur.

Duhet ti themi Asamblesë që ky raport është i pabazë nëse vërtet duhet të merremi me mbrojtje të krenarisë. Kush heq Hashim Thacin nga historia e asaj lëvizje thjesht i ngul një thikë mu në fyt Kosovës dhe popullit të Kosovës dhe shkel mbi gjakun dhe pështyn mbi kockat. Jemi duke folur për një gjyq që shkoj përtej. Drejtësia ka qenë kredoja juaj. Ka qenë lufta juaj, jeni marrë me drejtësinë ndaj përfunduat kështu. Keni non-grata sepse ju ka udhëhequr një minues i drejtësisë. Ku keni gojë ju të flisni për drejtësisë. Duke mbështetur atë që tha Mediu dua të sqaroj çështjen e sigurisë në rajon, jo me fjalë. Çështja është si përfshihet Kosova në mekanizma të sigurisë së NATO-s. Partneriteti për paqe është një mekanizëm Ju që e doni Kosovën, mos e përdorni këtu. Nuk është parlamenti për të ndezur zjarr në emër të patriotizmi medemek ju do t’i thoni fjalën e fundit Millosheviçit,” tha Kryeministri Edi Rama duke na treguar se din edhe ca emra kosovarërsh përveç Batonit:

“Adem Jashari, Hashim Thaçi e gjithë të tjerët , krijuan premisa, por pa ata që ju tregoni gomarllëqe më të mëdha që mund të pjellë mendja e një bajraku të demoralizuar. Ju jeni nga ata që lufton me gjakun e të tjerëve. Me heronjtë e të tjerëve dhe kujtoni se luftoni duke vënë lule të varri Adem Jasharit. Lufta juaj ka përfunduar me një lule në ballë, të padëshirueshëm. Mos u bëni si ata që bënin haxhiqamilin, nuk kishin internet ata, ku thoshte sat ë kem sharrën me vete, nuk pyes as për Londrën as Parisin. Ju jeni të gjithë firmato. I gjëmoni xhikes dhe likes dhe bëheni heronj me dëshmorët e të tjerëve. Ne këtu na takon t’ja u mbrojmë të pacënuar lirinë.”

Në fund, pavarësisht fyerje të Kryeministrit dhe debateve të ashpëra, kjo Rezolutë e “patriotit” Edi Rama “Mbi pabazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri” u miratua me 125 vota për, asnjë kundër dhe asnjë abstenim.