Rezultatet Zyrtare, KQZ e Serbisë: Shqiptarët e Luginës Preshevës – 3 mandate

Komision Qendror i Zgjedhjeve, KQZ i Serbisë ka publikuar rezultatet përfundimtare të zgjedhjeve parlamentare të 21 qershorit ku rezulton se partia më e votuar është ajo e presidentit Aleksandar Vuçiç me 1.953.998 vota, përkatësisht 60.65 për qind me 188 mandate të fituara ndërsa “Alternativa Demokratike Shqiptare – Lugina e Bashkuar” e cila ka marrë 26.437 vota, përkatësisht 0.82 për qind, me 3 mandate të fituara.

Sipas raportit të miratuar mbrëmjen e sotme në mbledhjen e 172-të të KQZ, lista zgjedhore “Ivica Daçiç – Partia Socialiste e Serbisë (SPS), Serbia e Bashkuar (JS) – Dragan Markoviç Palma” ka marrë 334.333 vota, përkatësisht 10.38 për qind, duke fituar 32 mandate;

Lista “Aleksandar Shapiç – Fitorja për Serbinë” ka marrë 123.393 vota, përaktësisht 3.83 për qind, duke fituar 11 mandate.

Lista “Lidhja e Hungarezëve të Vojvodinë – Ishtvan Pastor” ka fituar 71.893 vota, përkatësisht 2.23 për qind, 9 mandate.

Lista ”Akademik Muamer Zukorliç – Vetëm drejtë – Partia e Drejtësisë dhe Pajtimit (SPP) – Partia Demokratike e Maqedonëve (DPM)” ka marrë 32.170 vota, përaktësisht 1 për qind, duke fituar 4 mandate.

Lista “SDA e Sanxhakut – Dr.Sulejman Uglanin” ka marrë 24.676 vota, përkatësisht 0.77 për qind, duke fituar 3 mandate.

Pragun elektoral nuk e kaluan shum lista dhe parti por vlenë të përmendet se Lëvizja qytetare “1 në 5 milionë” dhe “Sergej Trifunoviç – Lëvizja e qytetarëve të lirë” nuk arritën të futen Parlamentin e Serbisë ndonëse me muaj të tërë organizuan protesta dhe mbushën sheshet e qyteteve kryesore dhe u krijua ndër serb se po vjen një shpresë e re. Ndërsa pragun nuk e kaluan as radikalët e Shesheli dhe koalicioni i vetëm në Serbi që promovon pranimin e shtetit të pavarur të Kosovës, “Çedomir Jovanoviç – Koalicioni për paqe”.

Ndryshe, të drejtë vote në zgjedhjet e 21 Qershorit dhe 1 Korrikut 2020 e kishin 6.584.376 votues, ndërsa të drejtën e tyre në 8.433 qendra të votimit e realizuan 3.221.908 votues.