Rezultati i Këshillave zbulon: Pazari i 17 Majit Rama-Basha vazhdon!
Përkundër shumë anomalive që prodhoi qeverisja kriminale e Edi Ramës, KQZ dhe KAS-i, rezultati i Këshillave Bashkiakë zbulon dhe dy fenomene të frikshme me të cilat vazhdon të vuan procesi zgjedhor dhe shqiptarët në tërësi: Pazari Rama-Basha i 17 Majit 2017 dhe Tomë Doshi!
Të nisemi nga Shkodra! Kryetari Nënkryetar tha se nuk do ta votojnë kandidatin që mbështetet nga Sali Berishës non grata, Bardh Spahia, ndërkohë rezultati i Këshillit Bashkiak tregon se llumi politik shkodranë votoi kandidatin që mbështetet nga Tomë Doshi non grata.
Pra, si i bëri Benet Beci 34.470 vota ose një diferencë prej më shumë se 11 mijë votave tregon rezultati i Këshillit Bashkiak, se kush i mori lekët Benetit dhe Tomës, kjo është punë për SPAK-un dhe injorantët shkodranë që u lumturuan se u erdhi Luizi dhe jo Orkestra Simfonike e Shkodrës.
Pra, nga votat e Partisë Socialiste, partisë së Tomë Doshit dhe partisë së Kryetarit Nënkryetar konfirmohen 34.470 vota që do të lumturojnë shkodranët e Luizit dhe marrëveshjen kriminale Rama-Basha me të cilën iu dha goditja fatale jo vetëm Partisë Demokratike në Shkodër por opozitës shqiptare dhe pluralizmit në Shqipëri.
Në Tiranë situata është edhe më qesharake! Përkundër impenjimit të gjithë qeverisë së Edi Ramës, nga rezultati i Këshillit Bashkiak rezulton se për Erion Velinë ka votuar edhe partia e Kryetarit Nënkryetar!
Kandidati i partisë së Kryetarit Nënkryetar për kryetar të Bashkisë Tiranë, Roland Bejko, në daljet e tij publike ka deklaruar se ka pranuar kandidimin për të shpëtuar partinë, por rezultati i Këshillit Bashkiak konfirmon se atë nuk e do kjo parti! Pse?!
Si Roland Bejko, ai arriti të marrë 12.388 vota, por rezultati i Këshillit Bashkiak nga numrimi i 909 qendrave të votimit nga 941 sa janë gjithsej, 7.000 euroatlantikë nuk e kanë votuar, ose bazuar në Marrëveshjen e 17 Majit, kanë votuar për kandidatin e Partisë Socialiste, Erion Veliaj!
Në këtë rast, 19.020 euroatlantik që kanë për shef Çiftelinë kanë refuzuar të votojnë kandidatin i cili mbështetet nga Sali Berisha non grata por 7 mijë prej tyre, shifër kjo që do të thellohet me numërimin edhe të 32 qendrave të votimit, e kanë votuar kandidatin që mbështetet nga Tomë Doshi non grata!
Për ata që nuk e kanë të qartë, lapsin në dorë dhe shikoni shumatoren e Partisë Socialiste dhe aleatëve të saj ku përfshihen normalisht dhe votat e partisë me Kryetar Nënkryetar, që në zemër e kanë euoratlantizmin që kryesohet nga një spiun i Sigurimit të shtetit.
Të shohim se cila është situata në bashkitë ku partia e Kryetarit Nënkryetar synonte fitoren: Mallakastër, Finiq dhe Dimal!
Në Mallakastër, sfiduesi delirant i Sali Berishës dëshmoi se ai nuk ndryshon do traditën ndërsa rezultati i Këshillit Bashkiak tregon se ai as nuk e ka idenë e garës elektorale.
Si kandidat i partisë së Kryetarit Nënkryetar për Bashkinë Mallakastër, Agron Kapllanaj mori 5.789 vota por rezultati i Këshillit Bashkiak dëshmon se 4.357 u tretën!
Ku shkuan gjithë këto vota dhe pse partia, lideri i së cilës bëri Marrëveshje me Kryeministrin Edi Rama, në Këshill ka vetëm 1.432 vota përkatësisht 3 mandate dhe ishte e sigurt në fitore; Nuk ka se pse të pyetet as Agron Kapllanaj, as Kryetari Nënkryetar dhe as firmëtari i Marrëveshjes Basha-Rama kur këtë e nxjerrë zbuluar rezultati i Këshillit Bashkiak!
I shumë akuzuari kandidati i Sali Berishës non grata nga euroatlantiku Agron Kapllanaj nuk ka ndonjë dallim nga votat e marra dhe ato të koalicionit, por nga rezultati i Këshillit rezulton se mbi 2000 vota euroatlantike i janë dhuruar kandidatit të Partisë Socialiste i cili mbështetet nga Tomë Doshi non grata, në mënyrë që ai të shpallet fitues.
Agron Kapllanaj nuk mund të akuzohet se ka punuar kundër vetes, por ja që ky sfidues delirant nuk e ka kuptuar se ai thjeshtë u përdorë sepse nuk përfilli traditën dhe vlerat shqiptare: flejti me euroatlantikët që për shef kanë një spiun të Sigurimit të Shtetit, dhe u zgjua sigurims që i jep fitoren një komunisti të Edi Ramës, siç është Qerim Ismailaj!
Finiqi! Largoni fëmijët nga ekrani se kjo është lojë po aq e pist sa ajo e 17 Majit që në momentin kur u shpall bashki e sigurt fituese nga Kryetari Nënkryetar!
Rezultati i Këshillit tregon se partia e Kryetarit Nënkryetar ka vetëm 482 vota në Finiq ose renditet e katërta, dhe futet në garë sikur po fiton e sigurt!
Rezultati i zgjedhjeve të 14 majit tregon se ndaj kandidatit që mbështetet nga Sali Berisha non grata ky llum politik ngadhnjeu, por duke i dhënë fitoren kandidatit i cili mbështetet nga Edi Rama dhe Tom Doshi non grata, për vetëm 361 vota!
Nga i ka marrë votat kandidati i partisë së Kryetarit Nënkryetar, Leonidha Papa! Ndonëse është kandidat i një grupimi politik parimor, euoatlantik dhe patriotik që akuzoi Sali Berishën për kandidatin grek në Himarë, rezultati i Këshillit Bashkiak na dëshmon se për çudi, kandidati i tyre që kishte fitoren e sigurt është votuar nga MEGA greke!
Si?! Përgjigjen e gjeni në 17 Maj të vitit 2017, ditë kur PD u vu në shërbim të Partisë Socialiste të Edi Ramës!
Dhe, vjen Dimali ku kutërbon më shumë Erion Veli se Edi Ramë! Partia Socialiste duke pasur informacionin e saktë për votat që kanë së bashku me partinë e Tomë Doshit non grata ndërkohë aleatët e Sali Berishës non grata ishin shprehur qartë se mbështesin kandidatin e Primares, vetëm përmes një diversion të bedelëve euroatlantikë mund ta përmbyste rezultatin!
Kështu dhe ndodhi! Rezultati i Këshillit tregon se llogaritë e patronazhistëve ishin të sakta dhe nuk bëhej fjalë për një fitore të kandidatit të partisë së Kryetarit Nënkryetar, por vetëm për zbatim të Marrëveshjes së 17 Majit si masë sigurie nëse dikush nga bedelët është ndikuar gjatë fushatës për ti dhënë votën Gentian Meçit.
Por, çekiçi “17 Maji” që ju qëndron mbi kokë euroatlantikëve vazhdoj ta gozhdojë partinë mëmë në emër të kauzës që nuk qëndroi në asnjërën prej bashkive, “Sali Berisha non grata”!
Në Belsh ku rezulton se Partia Socialiste me Tomë Doshin non grata fitoren e kishte të pamundur meqë ka vetëm 3.909 vota ashtu si dhe Koalicioni “Bashkë Fitojmë” që arriti të mbledhë 3.626, vetëm euroatlantikët ishin përcaktuesit e kësaj fitore me 50 vota diferencë!
Euroatlantikët, lideri i të cilëve u shpreh qartë se nuk e votojnë kandidatin që mbështetet nga Sali Berisha non grata, me 1.227 votat e saja përcaktoi fituesin ku Arif Tafani i mbështetur nga Tomë Doshi non grata mori 4.537 vota përballë rivalit Bedri Qypi i cili mori 4.497 vota!
Dhe jo vetëm kaq! Rezultati i Këshilit Bashkiak tregon se për të funksionuar edhe si Kryetar i Bashkisë, do jetë përcaktuese Marrëveshja e 17 Majit e cila do ta krijoj shumicën në Belsh!
Këlcyra, turpi dhe faqja e zezë jo vetëm për partinë e Kryetarit Nënkryetar por edhe atij që u përdor në lojë të ndyrë Rama-Basha, jo vetëm pse kandidati i mbështetur nga Tom Doshi non grata fitoi për vetëm 82 vota!
Duke kandiduar Adritaik Spahiun, partia e Kryetarit Nënkryetar e konsideroi të papranueshëm kandidatin që mbështetet nga Sali Berisha non grata!
Por, sot, rezulton se ishin votat e kësaj partie që i dhanë fitoren kandidatit që mbështetet nga Tomë Doshi non grata, Klement Ndoni!
Për aq sa u dëshmua më lartë, sot, nga rezultatet e Këshillave Bashkiakë dhe dëmeve që shkaktuan euroatlantikët e Kryetarit Nënrkyetar që kryesohen nga spiuni i Sigurimit të Shtetit, Preç Zogaj, një gjë është e sigurtë: Spiun lindë, nuk bëhesh!
Fenomeni Tom Doshi!
Me rënien e komunizmit në shumë nga vendet e lindjes janë krijuar parti nga shërbimet sekrete për kontrolluar mazhorancën! E tillë ishte Partia Socialdemokrate e cila i shërbeu me devotshmëri dhe shumë sukses, pushtetit komunist që nga dita e parë krijimit!
Aspak socialdemokrat, injorant dhe hyzmeqar, ata arritën deri në majën e Parlamentit për ta drejtuar dhe pas rënies së rëndë, kjo parti iu shit një personi që u legalizua si bzinesmen pikërisht me këtë parti enigmatike, dhe, quhet Tomë Doshi!
Toma ashtu si disa prej këtyre partive që u krijuan nga shërbimet sekrete, arriti të dal nga kontrolli për tu faktorizuar përfundimisht me këto zgjedhje lokale, ndonëse i akuzuar për krim u shpallë non grata nga Departamenti i Shtetit!
Kështu, me forcën e votës dhe jo vetëm, Tomë Doshi në zgjedhjet e 14 Majit ishte faktori përcaktues në zgjedhjen e Kryetarit të Bashkisë Shkodër, Benet Beci, pavarësisht që sot për fitore krekoset Edi Rama me Luizin e BB!
Dhe jo vetëm kaq! Nga rezultati i Këshillave Bashkiake rezulton se në Vaun e Dejes, Pukë dhe Malësi të Madhe e Fushë Arrëz ai kryeson bindshëm ndërsa në Shkodër me 22.85 për qind të votave, Lezhë me 14.24 për qind dhe në Mirditë me 15.5 për qind, do të jetë një kokëqarje e madhe si për pushtetin lokal ashtu dhe Edi Ramën!
Toma me partinë e tij arriti të marrë 114 mandate në rand kombëtar ndërsa kryeson në Malësinë e Madhe ku vazhdon numërimi.
Por, aty ku dihet, në Vaun e Dejës, Toma kryeson në Këshill me 27.64 për qind ose 10 mandate, përkatësisht më shumë se fituesi Partia Socialiste e Edi Ramës në garën për Kryetar, e cila në Këshill ka 19.54 për qind të votave ose 7 mandate!
Në Fushë Arrëz dje Edi Rama mund të thoshte se ka fituar por sot është Tomë Doshi ai i cili e kontrollon Këshillin Bashkiak!
Me 13.22 për qind të votave përkatësisht 3 mandate, në Këshillin Bashkiak të Fushë Arrëzit do të jetë Tomë Doshi ai cili do të dijë ti flas Edi Ramës, ashtu siç i fliste Ilir Rusmailit në Komisionin e Posaçëm dhe socialistët me përjashtim të Saimir Tahirit, e duartrokisnin!
Në fund, Puka, aty ku kryetari i ri i bashkisë Rrok Dodaj tashmë ka dy kundërshtar, Edi Ramën që dështoi në këtë bashki dhe do të hakmerret, dhe Tomë Doshin i cili do të kryeson Këshillin Bashkiak jo për të kundërshtuar projektet e Rrokut dhe Pukës, por për të favorizuar projektet e biznesit të vetë në nivel qendror!
