Rikthehen lëkundjet e tokës në Thumanë

Rikthehen lëkundjet e tokës në Thumanë. Qendra Mesdhetare Sizmologjike, EMSC raporton për një tërmet i cili ra në orën 14:32, me magnitudë 3.9 të shkallës Rihter dhe thellësi 2 km, me epiqendër 20 km nga Laçi dhe 28 km nga qyteti i Durrësit.

Tërmeti u dëgjua në qytetin e Durrësit por banorët thonë se lëkundjet nuk zgjatën shumë.

Ndërkohë Instituti i Gjeoshkencave, IGJEUM, raporton për një tërmet i cili ra në orën 14:32, me magnitudë 3.8 të shkallës Rihter dhe thellësi 19 km, me epiqendër 7 km nga Thumana.

Ndryshe, IGJEUM raportoi 2 ditë më parë për disa lëkundje me magnitudë nga 1.6-2.8 të shkallës Rihter në Hamallaj dhe Gjirin e Lalëzit.