Rikthehen reshjet e borës, ARRSH: Drejtuesit e mjeteve të pajisen me zinxhir kur udhëtojnë për…
Reshjet e dëborës janë rithkyer në zonat malore ndërkohë Autoriteti Rrugor Shqiptar, ARRSH, duke raportuar se qarkullimi po kryhet pa problem paralajmëron drejtuesit e mjeteve që të pajisen me goma dimërore dhe zinxhir kur udhëtojnë për në zonat malore me prezencë dëbore
“Gjatë natës ka pasur reshje dëbore në Bogë – Theth dhe Hani i Hotit – Tamarë. Mjetet borëpastruese kanë vijuar me punën në terren
për pastrimin e rrugëve nga dëbora dhe shpërndarjen e kripës,” thekson ARRSH përmes një njoftimi në rrjetin social Facebook duke siguruar se qarkullimi kryhet pa probleme ndërsa përfundon:
“Drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë, të pajisen me goma dimërore dhe zinxhir kur udhëtojnë për në zonat malore me prezencë dëbore.”
Ndërkohë Shërbimi Meteorologjik Ushtarak parashikon për sot reshje shiu në orët e para të mëngjesit me intensitet të ulët në një pjesë të madhe të territorit, ndërsa në qendër shtrëngata afatshkurtra. Pas orëve të mëngjesit reshje shiu të dobëta në formë pikash dhe të karakterit lokal. Në relievet e larta malore në lindje reshje dëbore me intensitet të ulët ku temperatura pritet të shkoj nga -2 deri 8°C ndërsa në bregdet nga 5 deri 16°C.
