Rikthehet Berlusconi: Italia është në rrezik…

“Ndjenja ime e përgjegjësisë më shtyn të zbres sërish në fushën e betejës në prag të zgjedhjeve të Parlamentit Europian, sepse përsëri vendi është përballë një rreziku shumë të madh.” Kështu u shpreh Silvio Berlusconi, në një video mesazh për 25-vjetorin e “Forza Italia” duke sqaruar rrezikun që i vjen Italisë nga Lëvizja 5 Yjet:

“Lëvizja 5 Yjet, është një forcë politike moderne në përdorimin e mjeteve të reja të komunikimit, por shumë e vjetër në përmbajtje dhe propozime. Në programet e tyre dhe në fjalimet e tyre është më e keqja e shekullit të njëzetë,” tha Berlusconi, raporton Tgcom.

Lideri i “Forza Italia” shpjegon se 25 vjet më parë hyri në politikë për të parandaluar që vendi të binte në duart e një të majte ende komuniste. Sot, ajo e majtë nuk ekziston më, por ndjenja ime e përgjegjësisë më shtyn të zbres sërish në ‘fushën e betejës’, sqaroi Silvio Bersluconi.