Rilindja e Edi Ramës në Parlament, Opozita takim me strukturat e partisë
Edhe sot në seancën plenare të Parlamentit të Shqipërisë prezent do të jenë vetëm rilindasit e Edi Ramë ndërkohë Opozita do të vazhdojë me bojkotin.
Ndër pikat kryesore që do diskutohen sot është Pika 5. Projektvendim/ Kërkesë “Për një shtesë personeli në Komisionin e Pavarur të Kualifikimit” dhe Pika 6. Projektvendim “Për disa ndryshime të strukturës organizative, organikës dhe klasifikimit të pagave të personelit të Kolegjit të Posaçëm të Apelimit”, probleme këto të cilat i kishte Opozita edhe me rastin e diskutimit të Reformës në Drejtësi e që për mazhorancën dhe EURALIUS e OPDAT u konsideruan vetmëm si çështje buxhetor, ndërkohë që sot u shndërrruan përveç se organizative edhe në çështje që po pengojnë e Reformës në Drejtësi.
Mungesën e Opozitës mazhoranca po e shfrytëzon edhe për “Për zgjedhjen e një anëtari të Bordit të Institutit për Studimet e Krimeve dhe Pasojave të Komunizmit në Shqipëri”, si Pikë e 8. e rendit të ditës, dhe atë që Edi Rama bëhej sikur është i painteresuar, Projektvendimin “Për miratimin e procedurës paraprake për përzgjedhjen e tre anëtarëve të Këshillit Mbikëqyrës të Bankës së Shqipërisë”, që është dhe Pika 9. e rendit të ditës.
Kryetari i Prlamentit në vendimin e tij, për Pikën 10. ka futur si të mbartura në votim Projektligjin “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”, dhe Projektligjin “Për një ndryshim dhe shtesë në ligjin nr. 8378, datë 22.7.1998 “Kodi
Rrugor i Republikës së Shqipërisë”, të ndryshuar” por meqë votimi kushtëzohet me 3/5, këto vazhdojnë të mbeten ëndërr në sirtarin e Edi Ramës.
Zyrtarisht nuk dihet se ku do jetë opozita sot, por dje kryetarja e LSI, Monika Kryemadhi tha se në vijim opozita nuk do ketë më takime të përbashkëta në rrethe, por palët do zhvillojnë takime me strukturat e partive.
Ndërkohë zyrtarisht është thënë se në orën 11.00, kryetarët e grupeve parlamentare të PD-së e LSI-së, Edmond Spaho dhe Petrit Vasili, do të shkojnë në Prokurorinë e Tiranës për të bërë publike, një padi penale kundër kryeministrit Edi Rama. Nuk dihen ende detajet.
