“Rimbursim për trajtim në banesë”, Manastirliu: Zbatimi ka nisur sot, mjeku i familjes…

Vendimin e ri për rimbursimin e shpenzimeve, Ministrja e Shëndetësisë, Ogerta Manastirliu e konsideron një paketë universale nga e cila përfitojnë të gjithë të prekurit me COVID-19 dhe e cila ka nisur që prej ditës së sotme. Rimbursimi, siguroi ajo, do të bëhet dhe për format e lehta dhe ato të mesme.

“Buxheti për shëndetësinë është rritur me 23 % krahasuar me një vit më parë për të mbështetur këtë pandemie. Fondi i sigurimit të detyrueshëm është institucioni që do të administrojë këtë skemë nga pikëpamja në terren. Zbatimi i këtij vendimi ka nisur që ditën e sotme,” tha Manastirliu duke saktësuar se mjeku i familjes do të ketë rol esencial sa i takon rimbursimit të barnave për rastet me COVID-19.

Mjeku i familjes ka një rol në këtë proces. Do të doja që qytetarët të kishin vëmendje maksimale ndaj rregullave anti-covid.”, tha Manastirliu.