Rinas, arrestohen për kontrabande, doganieri dhe tregtari. Ja emrat…
Një doganier i doganës në aeroportin e Rinasit ka përfunduar në pranga bashkë me një tregtar 26 vjeçar, për kalim të paligjshëm të mallrave.
Në pranga përfunduan Geron Hoxha, 29 vjeç, banues në Tiranë, me detyrë doganier në doganën Rinas, si dhe Gerald Keta, 26 vjeç, banues në Tiranë.
“Arrestimi i tyre u bë, pasi shtetasi Gerald Keta, në doganën Rinas tentoi të kalonte mallra kontrabandë (veshje) në mënyrë të kundraligjshme, ndërsa shtetasi Geron Hoxha (me detyrë doganier në Rinas), në kundërshtim me ligjin dhe duke keqpërdorur atributet që i jep detyra, ka shpërdoruar detyrën duke lejuar që të kalonte mallrat kontrabandë shtetasi i mësipërm”, thuhet në njoftimin e policisë
Materialet iu referuan Prokurorisë së Rrethit Gjyqësorë Tiranë për veprën penale “Kontrabandë me mallra të tjerë”, në ngarkim të shtetasit Keta., dhe për veprën penale “Shpërdorim detyre”, në ngarkim të shtetasit Hoxha.
