Rindërtimi i Kombinatit, Rama: Do ta bëjmë qendër atraktive!

Duke prezantuar projektin e Kombinatit, Kryeministri Edi Rama foli edhe për rindërtimin që po iu bëhen zonave që janë prekur nga tërmeti ndërsa paralajmëroi ndërhyrje në Tiran dhe Durrës.

“Projektet që kemi në dorë për një sërë rrethesh që janë goditur nga tërmeti, padyshim që do të cojë përpara edhe zhvillimin urban. Për shembull qyteti i Laçit, ka qenë ashtu siç ka qenë, ndërsa ne do të bëjmë ndërhyrje. Kjo do të sjellë më shumë ekonomi. Kjo do të sjellë më shumë arsye për të shkuar në atë qytet,” tha Edi Rama ku të njëjtën gjë tha edhe për Thumanën, që ishte epiqendra e tragjedisë.

“Thumana ishte zonë mbijetese, ama me ndërhyrjen e re, padyshim mund të kthehet në një tjetër pikë të rrugës së atraksioneve. Të gjithë të prekurit do të kenë shtëpi më të mira dhe më të forta. Ne duam të dalim më të fortë nga se ishim në ata territore kur goditi tërmeti,” tha Edi Rama duke premtuar se do të ketë po ashtu një transformim edhe të Tiranës dhe të Durrësit.

“Ky rast na bën që të ndërhyjmë edhe në Tiranë dhe Durrës. Për Kombinatin, do ta bëjmë atë një qendër që do të jetë vërtetë qendër atraktive. Do të nisim ndërtimin e shtëpive të para individuale. Së shpejti nis rindërtimi edhe në Bashkinë e Tiranës. Shumë shkolla do të hapen për vitin e ri akademik me standarde të reja. Po bëjmë gjithçka që mundemi. Sidoqoftë, duhet durim.”

Në fund, Kryeministri Edi Rama tha se të gjitha 3D që ekspozon janë pjesë e projekteve për cilat uron që sa më shpejt t’ju jap jetë, siç e quajti ai, projekte të mëdha.”