Rindërtimi pas tërmetit, Edi Rama: Do të paguajmë më shumë për të garantuar…

Kryeministri Edi Rama shpreson që do ta mbajë fjalën për familjet që kanë humbur shtëpitë, dhe do ta kalojnë vitin e ri në shtëpitë e tyre. Duke folur për procesin e rindërtimit pas tërmetit tragjik të 26 nëntorit, Rama foli edhe për cilësinë e ndërtimit të godinave të reja.

“Siç ndërtohen hotelet me 5 yje që kanë në përbërje çelik të galvanizuar, kemi bërë shumë kërkime, analiza nga grupet e punës dhe kemi preferuar të paguajmë më shumë për të garantuar një qendrueshmëri shumë të lartë. Godina që kanë garancinë e paprekshmërisë së tyre, që s’do kenë nevojë për asgjë përvec lyerjes ndoshta, 70 vjet garanci“.

Edhe me këtë rast Kryeministri u rikthye tek fronti i madh i punës në sektorin e ndërtimit që do të hapet dhe mungesa e krahut të punës.

“Me këtë proces hapet një front i madh punësimi ku qëllimi ynë është të kërkojmë nga kompanitë që do hyjnë si fituese të vendosin paga të konsiderueshme dhe jo paga të ulëta, apo minimale për punëtorët. Do kërkohet një punë që nis në ditët në vijim për të trajnuar krahë pune. Do ju referohemi shkollave profesionale, ftojmë nxënësit e shkollave profesionale që të aplikojnë të marrin pjesë në këtë zhvillim kaq të rëndësishëm për vendin e të favorshëm për të rritur kapacitetet profesionale dhe teknike. Bëhet fjalë për shumë vende pune, sot po e shohim shumëe mirë që ka plot nevoja madje edhe alarmante në këtë fushë nga kompanitë ëe kanë nisur meremetimet dhe ska kapaciteteve të mjaftueshme si pasojë e shumë juristëve që qëndrojnë në kafenenë poshtë dhe thonë jemi pa punë“.

Për ato familje me disa kurora që kanë humbur një shtëpi, Edi Rama tha se do të marrin aq shtëpi sa kanë kurora.

“Ky do jetë proces transparent për të mos i hapur rrugë abuzimeve, e për të mos stimuluar kurora me normë pune për të marrë një shtëpi të re,“ tha Edi Rama ndërsa përfundoi duke sqaruar se OFL është një operacion kundër krimit. Por është operacion me ndihmë të rëndësishme për të çliruar ekonominë nga tentakulat e krimit.

“Bashkë me një masë tjetër, që nesër do ta prezantojë në kongres, me disa masa të tjera shtesë. Mendoj dhe besoj se do të kemi një situatë ekonomie të çliruar, që do të çojë në një nivel tjetër tërësor. Duke pasur në konsideratë dhe faktin se jemi drejt finalizimit të një sërë investimesh të rëndësishme.”