Rindërtimi pas tërmetit, PD: Bilanci, zero! Koha e Edi Ramës ka përfunduar!

Pas bilancit të ministrit Arben Ahmetaj për rindërtimin e pallateve të dëmtuara nga tërmeti i 26 Nëntorit 2019, ka reaguar Partia Demokratike përmes Ish-Deputetes Jorida Tabaku duke theksuar se bilanci 1 vjeçar pas tërmetit është zero pallate të reja të ndërtuara. Koha e Edi Ramës, thotë Tabaku, ka përfunduar.

“Ka ardhur koha që Shqipëria të ketë një qeveri që punon për të përmbushur premtimet dhe nevojat e qytetarëve!”

Reagimi:

? Premtoi se deri në dhjetor familjet do të futeshin në shtëpitë e tyre. Per 1 vit, ka ndërtuar vetëm 2.6% të shtëpive.
? Premtoi se në shtator nxënësit do të kishin shkollat e reja dhe qytetarët spitale të reja. Pas një viti, ka ndërtuar vetëm 3% të shkollave të premtuara dhe zero spitale.
? Bilanci 1 vjeçar pas tërmetit i Edi Ramës është zero pallate të reja të ndërtuara.

Në një vit ka shpërblyer Gjicët e partisë me taksat e shqiptarëve. Sot vazhdon t’i gënjejë me të njëjtën fabul “prisni dhe pak”.

Koha e tij ka përfunduar. Koha e mashtruesve dhe gënjeshtarëve që duan të përdorin çelësat e shtëpive si kapital fushate ka përfunduar. Koha e hajdutëve që edhe në kohë fatkeqësie tragjeditë kolektive i përdorin si mjete këmbimi për votë në fushatë ka përfunduar.
Ka ardhur koha që Shqipëria të ketë një qeveri që punon për të përmbushur premtimet dhe nevojat e qytetarëve!