Rindërtimi, Rama në Baldushk: Në shtëpi, sa më shumë familje për Vitin e Ri!

Kryeministri Edi Rama, i shoqëruar nga Ministri i Ekonomisë, Arben Ahmetaj dhe Kryetari i Bashkisë Tiranë, Erjon Veliaj, kanë inspektuar punimet për rindërtimin e shtëpive të goditura nga tërmeti i 26 nëntorit, në Baldushk. Pasi pa punimet nga afër punimet Kryeministri tha se po ecet me ritme të larta për të futur në shtëpi sa më shumë familje për Vitin e Ri.

“Po ecim me ritme të larta për të futur në shtëpi sa më shumë familje për Vitin e Ri, ndërkohë që edhe kantieret e pallateve janë në proces, diku me infrastrukturën e diku me lidhjen e kontratave për fillimin e punës. Edhe pak durim, kush u godit më keq dhe po pret të rikthehet në shtëpi, do të ketë një shtëpi më të mirë, më të bukur, më të fortë, e ne jemi këtu për të bërë atë që them,” tha Kryeministri Edi Rama pas inspektimit në Baldushk të Tiranës duke shtuar se vazhdon pa pushim puna për rindërtimin e shtëpive të familjeve të prekura nga fatkeqësia e 26 nëntorit.