Rinis seance/ Ruçi: Kuvendi ka rregulla, çatia ka tjegulla…

Kuvendi i Shqipërisë ka rinisur punimet në seancë plenare pas një pushimi disa minutësh të kërkuar nga Kryeparlamentari Gramoz Ruçi, pasi kreu i PD-së, Lulzim Basha, nuk pranoi të linte foltoren e Kuvendit.

Basha deklaroi në sallën e Kuvendit se qeveria gjermane kishte marrë vendimin për negociatat, duke shtuar se Edi Rama po gënjen dhe se Shqipëria nuk ka plotësuar kushtet.

Në këtë moment, fjala e Bashës është ndërprerë nga Ruçi, me argumentin se i përfundoi koha.

Me rinisjen e punimeve, Ruçi ka sqaruar se “Parlamenti ka rregulla, shtëpia ka tjegulla, ulu poshtë dhe fol kur të të vijë koha. Nuk ka hapje mikrofoni, nuk shkel rregulloren, rregullat i kemi vendosur bashkërisht do i zbatojmë bashkërisht, të bëj thirrje për herë të fundit të ulesh. Sa të mbarojnë tre drejtuesit e institucioneve fjalën e ka kryetari i opozitës”.

Pas shumë replikash Ruçi në fund i ka dhënë sërish fjalën Bashës, i cili tha se ai Kuvendi ndërpreu internetin.