Rinumërimi i pjesshëm në Kosovë, rreth 15 mijë vota me ndryshime, kryeson PDK

Nga rinumërimi i 316 vendvotimeve nga gjithsej 914 sa ka përcaktuar Vendimi i Komisionit Qendror t♪7 Zgjedhjeve në Kosovës, rinumërimi i pjesshëm i votave nga zgjedhjet parlamentare të 28 dhjetorit ka rikonfirmuar keqpërdorime serioze në disa qendra komunale të numërimit.

Sipas Eugen Cakolli, nga Instituti Demokratik i Kosovës, nga rinumërimi, ndryshimet në votat e kandidatëve arrijnë në gati 15 mijë vota. Më së shumti ndryshime ka lista e PDK-së me -7.719 vota dallim; pasuar nga LVV me -2.947 vota dallim; LDK – me -1.676 vota dallim dhe AAK me -639 vota dallim.

“Në total, pas rinumërimit dhe korrigjimeve në QNR, rreth ~9,500 vota janë hequr dhe rreth ~3,500 janë shtuar për kandidatët. Vetëm te katër partitë kryesore, mbi 200 kandidatë kanë pësuar rritje dhe rreth 200 të tjerë rënie të votave. LVV ka 61 kandidatë me ulje dhe 46 me rritje. PDK ka 79 me rritje dhe 27 me ulje. LDK ka 59 me rritje dhe 46 me ulje. Ndërsa, AAK ka 60 me ulje dhe 37 me rritje,” thotë Eugen Cakolli ndërsa rendit dhjetë kandidatët që pas rinumërimit në Qendrën e Numërimit dhe Rezultateve, QNR, që kanë rëniet më të mëdha në vota, ku dominojnë kandidatët e PDK:

1. Fetah Paçarizi (PDK) −1,336 vota

2. Nait Hasani (PDK) −669 vota

3. Arianit Çollaku (PDK) −506 vota

4. Xhavit Haliti (PDK) −477 vota

5. Luljeta Veselaj Gutaj (PDK) −451 vota

6. Kujtim Gashi (PDK) −440 vota

7. Enver Hoxhaj (PDK) −430 vota

8. Xhavit Uka (LDK) –358 vota

9. Fadil Demaku (PDK) −306 vota

10. Ejup Maqedonci (LVV) −250 vota

Këto janë dallime substanciale, sidomos meqë shfaqen në një kontekst ku rinumërimi është duke u zhvilluar për vetëm 1/3 e vendvotimeve në nivel vendi. Për më keq, vërehet që votat e këtyre kandidatëve janë ndryshuar kryesisht nga qendrat komunale prej nga vijnë këta kandidatë vlerëson Eugen Canolli në reagimin e tij përmes rrjetit social Facebokk duke përfunduar:

“Nëse ky trend do të vazhdojë proporcionalisht, volumi i dallimeve në nivel vendi bëhet edhe më domethënës, duke ndikuar potencialisht edhe renditjet e shumë prej kandidatëve. Prandaj, rinumërimi i plotë është zgjidhja e duhur – sa më parë që të jetë e mundur, para se të ndikohen afatet tjera kushtetuese.”

Ndërkohë, sipas partive, bazuar në rezultatet e rinumërimit nga QNR, dhjetë kandidatët ndër partit përkatëse sërish janë ata që nuk paraqesin ndonjë befasi:

PDK – 1. Fetah Paçarizi −2.202 vota; 2. Nait Hasani -1.115 vota; 3. Arianit Çollaku -852 vota; 4. Kujtim Gashi -800 vota; 5. Luljeta Veselaj Gjutaj -679 vota; 6. Enver Hoxhaj -669 vota; 7. Xhavit Haliti -595 vota; 8. Fadil Demaku -526 vota; 9. Linda Nebiu -248 vota; 10. Linda Statovci -81 vota.

LVV – 1. Vendenis Lahu −248 vota; 2. Dafina Alishani -236 vota; 3. Ejup Maqedonci -228 vota; 4. Filiz Mustafa -221 vota; 5. Valon Ramadani -168 vota; 6. Adelina Stublla -164 vota; 7. Albin Kurti -142 vota; 8. Arbër Rexhaj -125 vota; 9. Rea Krasniqi -121 vota; 10. Drita Pajaziti -59 vota.

LDK – 1.Xhafer Uka −518 vota; 2. Driton Selmanaj -264 vota; 3. Anton Quni -215 vota; 4. Visa Azemi -206 vota; 5. Alban Zogaj -33 vota; 6. Lumir Abdixhiku -28 vota; 7. Florian Dushi -28 vota; 8. Samidin Xheladini -26 vota; 9. Xhafer Gashi -18 vota; 10. Qendrim Softoli -18 vota.

Në Qendrën e Numërimit dhe Rezultateve po vazhdon procesi i rinumërimit të fletëvotimeve për vendvotimet për të cilat Komisioni Qendror i Zgjedhjeve ka marrë vendim.

Sipas të dhënave zyrtare, nga fillimi i këtij procesi më 13 janar 2026, në ora 18:00, e deri më 17 janar 2026, në ora 10:00, janë rinumëruar 316 nga gjithsej 914 vendvotime.

Rinumërimi ka përfshirë komunat Deçan, Gjakovë, Gllogoc, Gjilan, Dragash, Istog, Kaçanik, Klinë, Fushë Kosovë, Kamenicë, Mitrovicë e Jugut, Leposaviq, Lipjan, Novobërdë, Obiliq, Rahovec, Pejë, Podujevë, Prishtinë dhe Prizren, ku në disa prej tyre procesi ka përfunduar plotësisht, ndërsa në Prizren deri më tani janë rinumëruar 43 nga 235 vendvotime.

Sipas KQZ-së, rinumërimi është përmbyllur në 19 komuna, ndërsa gjatë pjesës tjetër të ditës pritet që procesi të vazhdojë edhe në komunat e tjera, sipas radhës së përcaktuar.

Me qëllim të përshpejtimit të punës dhe rritjes së efikasitetit, në Qendrën e Numërimit dhe Rezultateve është rritur numri i tavolinave të rinumërimit nga 20 në 26.