Risi në kufirin shqiptaro-shqiptar, Kosovë-Shqipëri pa kontrolle doganore

Pas mbledhjes së fundit të dy qeverive, Shqipëri-Kosovë, ku u miratua dhe vendimi pa kontrolle kufitare në kufirin shqiptaro-shqiptar gjatë fundjavave dhe muajt e verës, sot është fundjava e parë kur fillon dhe aplikimi i këtij vendimi.

Ky lloj protokolli në kufi ka bërë që të shtohet dhe fluksi i automjeteve drejt bregdetit shqiptar, që tregojnë dhe këto pamje të televizionit publik të Kosovës, RTK:

Fluksi i madh në vendkalimin Morinë filloi që në orët e mëngjesit dhe po vazhdon, ndërkohë ashtu siç e parashikon edhe Marrëveshja Shqipëri-Kosovë, Policia Kufitare dhe Dogana e Morinit tashmë nuk kërkojnë dokumente dhe qytetarët nuk i nënshtrohen regjistrimit me rastin e kalimit të kufirit dhe as kontrollit doganor.

Ndryshe, nga ky vendim përfitojnë edhe qytetarët e Serbisë që kalojnë nëpër Kosovë dhe udhëtojnë drejt bregdetit shqiptarë, duke përmbyllur dhe enigmën deri dje të diskutuar për zbatimi e lehtësirave të lëvizjes së bashkëqytetarëve të Vuçiçit në Shqipëri, nga Ballkani i Hapur