Rivalëve politikë, Veseli: Mos akuzoni, ofroni programe!

Kandidati për Kryeministër i PDK-së, Kadri Veseli, nga Rahoveci i ka bërë thirrje rivalëve politik që mos të adresojnë akuza të ndërsjella mes veti, por të ofrojë programe konkrete të cilët do t’i shërbejnë qytetarëve të të gjithë Kosovës.

“Të jenë më të qetë mos të marrin me shumë dëshpërim dhe nervozizëm, sepse shumë po hedhin akuza dhe fyerje mes nesh. Ne nuk do të ndajmë më shumë popullin tonë. Ata duhet të orientohen më shumë në projekte, çka do të bëjnë për Rahovecin, për të rinjtë, për luftën kundër korrupsionit, për fermerët.”

Kadri Veseli shpalosi para rahovecianëve disa nga pikat e programit të tij qeverisës, ku fermerëve u premtoi subvencione dhe projekte në ujitjen e tokave.

“Mbas 6 tetorit ka me fitu më së shumti Kosova, e Kosova fiton më shumë në adresën e Ushtrisë e Çlirimtare të Kosovës, Partinë Demokratike të Kosovës.”