Rivendosja e marrëdhënieve me SHBA: Basha: Krenar për arritjet e mëdha të Shqipërisë dhe Pavarësinë e Kosovës

30-vjetori i rivendosjes së marrëdhënieve mes Shqipërisë dhe Shteteve të Bashkuara, për Kryetarin e Partisë Demokratike, Lulzim Basha, është një mundësi e shkëlqyer për çdo shqiptar, për t’u ndierë krenar për arritjet e mëdha të Shqipërisë dhe pavarësinë e Kosovës falë mbështetjes së SHBA.

“30-vjetori i rivendosjes së marrëdhënieve mes Shqipërisë dhe Shteteve të Bashkuara të Amerikës është një mundësi e shkëlqyer për çdo shqiptar, për t’u ndierë krenar për arritjet e mëdha që Shqipëria ka bërë falë mbështetjes së SHBA dhe veçanërisht anëtarësimin e saj në NATO dhe pavarësinë e Kosovës,” thekson Lulzim Basha duke shtuar se Ne nuk duhet të harrojmë kurrë dhe duhet të jemi gjithmonë mirënjohës ndërsa përfundoi:

“Ne do të punojmë së bashku me partnerin tonë strategjik, SHBA, që dekada e re të jetë dekada e konsolidimit të demokracisë, sundimit të ligjit dhe e mirëqenies së gjithë shqiptarëve.”