Rrëfehet Edi Rama: Dje vodhën hajdutët me kostum, sot njerëzit që përgjigjen para drejtësisë pavarur

Kryeministri Edi Ram pasi i bëri një skanim të detajuar Qeverisjes Berisha që e shpalli më të korruptuarën në histori, kur foli për ministrat e tij nuk i quajti hajdut me kostum si paraardhësit, por njerëz që do të përgjigjen para drejtësisë.

Negociatat e hapura me Bashkimin Europian i quajti meritë të kësaj qeverie që drejton sepse Brukseli nuk jep kot, por i mohoi meritat e Qeverisë Berisha për anëtarësimin në NATO dhe liberalizimin e vizave ndonëse nuk ka thënë asnjëri deri më sot se Brukseli i dha kot.

Jo më me kostumin e analistit të gazetës së partisë antiberishë “Koha Jonë”, sot si Kryeministër, Edi Rama vazhdoi ti konsideroj hajdut ministrat e Berishës ndërsa për 40 e sa ministrat e tij foli për tam-tamet e ministrave hajdut sepse në fakt janë vetëm një grusht ministrash që po hetohen nga SPAK! Nuk tha se janë hajdut por vetëm shtoi se nuk do të kenë mbështetjen e tij.

Por, ai vazhdoi rrëfimin e tij, si Saimir Tahiri para Blendi Fevziut në Opinion, vetëm ç’është e vërteta nuk tha: Fevzo mua po më arrestojnë!

“Kërkoj sot vëmendjen tuaj dhe përmes kësaj mbledhje të hapur të përbashkët të grupit parlamentar dhe kabinetit qeveritar. Dëshiroj edhe vëmendjen e atyre që na kanë votuar qysh prej 2013 kur morëm detyrën të Rilindim Shqipërinë e rrënuar nga duart e disave që klithin ditë e natë apo bërtasin të shfrenuar foltoreve dhe penxhereve të televizorëve.

Bëhet një përpjekje ekstreme për të helmuar publikun e për të krijuar një hendek mes nesh e shumicës së shqiptarëve që na kanë besuar e  mbështetur pa kursim në gjithë këto vite.

Sot nuk do ndalem te gjysmë të vërtetat që janë edhe gënjeshtrat më të mëdha e as te akuzat e rreme dhe fabrikimet djallëzore.

Sot do përqendrohem te të vërtetat, 10 vite pas marrje së detyrës. Qofshin të vërteta të ëmbla qoftë të hidhura, për të cilat nuk ka të na vijë mirë por duhet ti shohim në sy.

Kur shqiptarët na votuan masivisht për mandatin e parë Shqipëria ishte në ditët më të zeza që nga 1997. Krimi kishte fituar qetësi në veprimtari në një lojë sylla mbyllazi me rendin. Qytetarët jepnin ryshfet edhe për të marrë një çertifikatë lindjeje,” tha Kryeministri Edi Rama në fjalën në nisje të mbledhjes së Grupit Parlamentar të Partisë Socialiste, thuase sot nuk ka korrupsion. Por, ja që ka edhe sot e nuk i ka faj as penxherja e as foltorja që i akuzon.

“As korrupsioni në Shqipëri sot nuk është mundur si fenomen shqetësues, as forca jonë qeverisëse se ka fituar imunitetin ndaj korrupsionit. Edhe pse kemi pastruar jo pak nga kanalet e vatrat e korrupsionit, ka shumë për të pastruar. Brenda partisë sonë ka punë për furnizimin nga influenca e korrupsionit. Këtu nuk bën asnjë përjashtim, as pushteti qendror, apo bashkitë dhe ndërmarrjet e tyre. Apo dhe agjencitë e tjera, apo partitë, janë lehtësisht të arritshme nga oferta e korrupsionit. Shpesh janë të prekshme nga korrupsioni, madje të gjunjëzueshme nga pikëpamja e korrupsionit,” tha Kryeministri Edi Rama teksa bëri një rrugëtim të qeverisjes së tij dhe PS-së, theksoi se kjo forcë politike veçon nga partitë e tjera. E veçimi është vërtetë i rrallë, thotë se u rrëzua pandëshkueshmëria por nuk thotë se kjo pandueshkmëri quhet Ministrat e tij hajdut që degjeneruan buxhetin.

“Sot pasqyra është tjetër. Kush e mohon nuk di cfarë flet nga ligësia e padia. Nuk është qëllimi im sot të bëj dallimin mes nesh dhe atyre, sepse të dallim si dita me natën e bën me votë shumica absolute e njerëzve të zakonshem të këtij vendi. Dallimi duhet vetëm për të parë objektivit kontekstin e kohës ku po jetojmë dhe nevojën për reformim. PS është prej një dekadë e është në luftë për të bërë vendin tonë një vend të mirënjohur botërisht.

Asnjë forcë me peshë më parë që nga shkëputja nga perandoria otomane nuk i ka hyrë detit në këmbë për të pavarësuar drejtësinë nga pushteti.

Vetëm falë kësaj lufte vendimtare për Shqipërinë që PS po bën prej 10 vjetësh nuk na e mohon dot askush. Pa PS nuk do të kishte rilindur besimi i shqiptarëve në drejtësi

Nuk do shihnim rrëzimin e monumentit të pandëshkueshmërisë.

Ka një të vërtetë të madhe në këtë mes, nuk e kemi mbajtur lëkurën tonë jashtë zjarrit të saj. I hapëm rrugë krijimit të një gryke zjari të re, si SPAK por ia hoqëm vetes me ndërgjegje e guxim, çdo mundësi kontrolli politik të shënjestrave e goditjeve të asaj gryke zjarri.

Le të thotë ç’të dojë kushdo që nuk do ta pranojë, por sot drejtësia vepron mbi pushtetin e politik, e pavarur, ndaj pushtetit. Ne i kemi hapur rrugë dhe furnizimit me municion të asaj gryke zjarri.

I kemi hapur rrugë dhe me pagat. Ata qëndrojnë në majë të pagave të këtij shteti më lart se çdo drejtues shteti apo siç është presidenti i republikën. E kemi pajisur vendin me një armë të re ofensive,” tha Kryemnistri Edi Ram ai cili mburret me hapjen e negociatave por nuk tha se pse ky proces ka ngecur.

I kompleksuar pse thonë “Edi Rama e kontrollon SPAK-un” tre herë për 30 minuta tha se si mund të thonë që “unë e kontrolloj SPAK-un”!

Mbase nuk e kontrollon, por për ta urdhëruar, kjo nuk diskutohet!