Rrëfimi: Ditët e mia në haremin e tregtarit saudit të armëve
Ishte vetëm 20 vjeçe, e ai 44 kur pranoi të jetë njëra ndër 11 dashnoret zyrtare, pranë tri bashkëshorteve
Jill Dodd në vitet 80 ishte një modele e suksesshme, kur njohu mashkullin 24 vjeç më të vjetër. Pas këtij takimi, jeta e saj ndryshoi dukshëm. Jetoi në haremin e tij, dhe të gjitha detajet i zbuloi në librin të cilin e prezantoi New York Post.
“Kur isha 20 vjeç kam firmosur kontratën me Agjencinë prestigjioze të modës “Wilhelmina Models”. Fillova të angazhohem në Francë, në Paris ka filmuar editoriale për “Vogue”. Isha e re, naive dhe e dehur me suksesin kur në Cannes u njoha me një zotëri të vogël qeros, bullafiq por simpatik. Vetëm më vonë e kam kuptuar se fjala është për Adnan Khashoggin, i cili kishte fituar miliarda dollarë nga tregtia me armë,” shkruan në librin kontravers, 57-vjeçarja Jill. Gjithçka filloi kur Adnan e ftoi për vallëzim.
“Kapi përnjëherë karrigen, e rrotulloi dhe e hodhi në zjarr. Të njejtën gjë bëra edhe unë. Filluam të qeshim që të dy. Pastaj, ai pa ndonjë paralajmërim, më kapi dorën, dhe në krah më gishtin e zhytur në gjak shkruajti ‘të dua’”, shkruan ish-modelja e njohur e sfilatave të Parisit.
Të nesërmen Khashoggi e thirri Jillin në jahtin e tij të gjatë 280 metra, në të cilin ishte realizuar njëri prej filmave për agjentin James Bond. “Kur mbërriva me mikeshën time në jaht, Adnani na çoj deri tek një dollap i madh i cili ishte përplotë me rroba të dizajnuara, ku mund të përzgjidhnim gjithçka që dëshironim. Biseduam deri në orën pesë të mëngjesit dhe unë u dashurova në Adnanin”, shkruan Jill.
Me Adnanin mediat ndërlidhnin shumë nga yjet botërore. Nën shoqërimin e tij janë dëfryer Joan Collins, Jackie Kennedy, Liza Minnelli, Farrah Faëcett, e Sinatra ishte miku i tij më i shtrenjtë. Jill nga Adnani merrte dhurata të çmuara, dhe më pas në vitin 1980 ai e ftoi në vilën e tij në Marbell. Mendoi se atje do të ishte vetëm për vetëm me të, por atje e pritën edhe gratë e tjera. Kryesorja ishte Sabina, e shtëpia ishte përplotë me gra të bukura dhe të reja. Për disa prej tyre, Jill nuk ishte e sigurtë nëse nuk ishin adoleshente.
“Në mbrëmje shkova për të bërë banjo, Adnani po më shikonte dhe më sqaroi se si qëndrojnë gjërat. Më tha: ‘Dëshiroj të jesh njëra nga të dashurat e mia. Sipas ligjit saudit, mund të kem tri bashkëshorte të ligjshme dhe 11 të dashura. Dëshiroj të jesh njëra prej tyre. Do të të puth vetëm atëherë nëse pranon ofertën time.’ Natyrisht pranova. E doja,” shkruan Jill.
U bë pjesë e haremit, që do të thotë duhej të priste në rradhë për të bërë dashuri me njeriun e jetës. “Një natë erdhi në dhomën time, kishte dhuratë për mua. Gjithçka mu shembë në momentin kur e kuptova se kishte ardhë në dhomën e gabuar. Vetëm u kthye dhe iku.”
Jill, avash avash filloi të kuptonte. “Për shkak të gjërave të çmuara që më dhuronte, ndjehesha sikur i kam borxh diçka,” shkruan Dodd e cila këtë aventurë e ndërpreu në vitin 1982. Thotë se nuk i vjen keq pse ishte me të, por, megjithatë, ka ditë që e bëjnë me turp.
“Nuk është e lehtë të dëgjosh që të tjerët të gjykojnë dhe të thërrasin prostitutë, e që kurrë nuk kam qenë e tillë,” përfundon ish-e dashuar e sheikut. Ajo sot është në një jetë bashkëshortore të lumtur dhe ka tre fëmijë.
