“Rrëmbeni pushkët, Vritini”/ Thirrje, Nëna e terroristit grek: “Rroftë Vorio Epiri!”
U tha se do të jetë një përkujtimore e ekstremistit të vrarë grek një vit më parë në Bularat, Konstandin Kacifas, por sot rezultoi kryengritje greke. Duke kryesuar kryengritjen, nëna e Konstandinit, Vasilia Kacifas, bëri thirrje për rrëmbim armësh, vrasje të shqiptarëve, në tokën shqiptare që ajo e quajti Vorio Epir!
“Tradhtarët. Përse i ndaluan njerëzit të vijnë? Se janë tradhtarë. Thyejuni turinjtë, vrajini, shfarosini. Janë tradhtarë. Nuk ka qeveri këtu. Vorio Epiri është tokë greke, ne jemi grekë. Do luftojmë dhe asgjë nuk do na ndalë. Jam krenare për ty biri im,” tha nëna e terroristit grek duke e bërë të qartë se nuk ishte rastësi që i biri i saj ka gjujatur drejt policisë shqiptare ndërsa ai vazhdon të bëjë thirrje për t’i vrarë shqiptarët:
“Trimi im, jemi grekë, autoktonë, në këtë tokë jemi grek autoktonë, jemi ortodoksë, asnjëri nuk mund të prekë krishterimin tonë dhe kombin tonë. Jemi grekë. Tradhtarët. Përse i ndaluan njerëzit të vijnë në Kakavijë? Se janë tradhtarë. Çohuni trima, rrëmbeni tokën, jemi grekë autoktonë. Vorio Epiri është tokë greke, nuk na ndalon asgjë.”
Vasilia Kacifas tha dhe cila është mënyra për çlirimin e asaj që ajo e konsideron Verio Epir:
“Ju të gjithë të rinjtë, çohuni rrëmbeni shpatat dhe armët, mos kini frikë asgjë, se këta po na frikësojnë. Këtu ka diktaturë nuk ka shtet, rrëmbeni bombat, rrëmbeni pushkët thyejuni turinjtë, vritini! Rroftë bashkimi. Do luftojmë dhe asgjë nuk do na ndalë. Jam krenare për ty biri im,” tha mbi varrin e terroristit grek Konstandin Kacifas, mamaja e tij Vasilia, fjalët e së cilës u shoqërua me duartrokitje dhe të gjithë së bashku njëzëri duke brohoritur:
Rroftë Vorio Epiri!
Ndryshe, zyrtarisht bëhet e ditur se përgjatë dy ditëve, rreth 1.800 persona kanë hyrë nga Greqia në Shqipëri, për të marrë pjesë në atë, që u quajt, “ceremoni përkujtimore e 1-vjetorit të vrasjes së Kostandinos Kacifas” por që doli një miting i terrorsitëve grekë që bëjnë thirrje për vrasje të shqiptarëve dhe pushtim të tokës shqiptare.
Ndërkohë Kryeministri Edi Rama dhe ministri i Brendshëm, Ish-Gjeneral Sandër Lleshaj për dallim nga protestat e opozitës ku shqiptarët rraheshin dhe arrestoheshin vetëm për thirrjen “Rama Ik!”, sot heshtën për cenimin e rendit kushtetues dhe thirrjet për vrasjen e shqiptarëve nga terroristët grekë në Bularat.
