Rrezik kombëtar/ Diletantët komunistë vazhdojnë përplasjet, Baba Taku sot sulmon Baba Liken…
Askush nuk e ka vënë në dyshim se koalicioni qeverisës i vitit 2013 është antikombëtar, jo vetëm pse ka ndërmjetës serbë por janë një tufë diletantësh komunistë, pak rëndësi ka nëse janë PS ose LSI, që vetëm shtet nuk dinë të bëjnë. Këtë e konfirmon përhapja e këtij kanceri antikombëtar jo vetëm në Qeveri, sot kur ata kanë pushtuar edhe Presidencën.
Interesat dhe pazaret nga më të çuditshmet dje cenuan punën e Shërbimit Informativ Shtetëror dhe sot kjo po ndodhë me ministrinë e Brendshme, ndërkohë që Greqia bënë ligjin në jug të Shqipërisë.
Për refuzuimin e dekretimit të një Këshilltari të dështuar të Sigurisë Kombëtare të kryeministrit për ministër të Brendshëm, presidenti fajëson Këshilltarët Juridikë diletantë të Edi Ramës ndërkohë sot njeriu që pë Ilir Metën ishte “babai i ligjit” dh e e delegonte të fus hundët kudo, Spartak Braho apo siç e quan ai Baba Taku, akuzon Presidentin se ka këshilltarë diletantë:
“Me këtë logjikë, presidenti mund të kthejë mbrapsht tërë kabinetin qeveritar, gjë që s’është normale. Nuk ka asnjë pretendim nga presidenti që Sandër Lleshi nuk plotëson kriteret, nuk ka shprehur as mendime që lidhen me aftësitë profesionale, morale dhe politike të tij,” shprehet Braho për GSH duke shtuar se diletantë janë këshilltarët e kreut të shtetit, të cilët në refuzimin që i bënë kandidaturës së Lleshit nuk arritën të sjellin asnjë argument ligjor:
“Në vazhdimësi antidekretin e presidentit e kanë gjykuar si anormalitet dhjetëra juristë e konstitucionalistë profesionistë. Nuk bëhet fjalë për diletantë, siç i fyen presidenti, por doktrinarë të çështjeve kushtetuese, mungesa e të cilëve në trupën e këshilltarëve të këtij niveli dukej qartë, për shkak të mungesës së argumenteve dhe aq më tepër të referencave kushtetuese për arsyetimin e refuzimit. Ky ishte diletantizëm ashiqare.”
Baba Like dhe Baba Taku mund të vazhdojnë me përplasjet e tyre në publik, kryeministri dje rikërkoi nga Presidenti që të dekreton Sandër Lleshin për ministër të Brendhsëm, dhe derisa shteti vazhdon të jetë në duart e këtyre personave që herë e quajnë partnerin e tyre të koalicionit delikuent e here diletant, i humbur është vetëm shteti shqiptar, i cili sot më shumë se kurrë, është pranë humnerrës kombëtare.
