Rreziku Putin, Ambasadori i Rusisë në BE: Luftërat në Evropë rrallë fillojnë të mërkurën

Ukraina nuk u sulmua sot nga Rusia, siç ishte paralajmëruar nga shërbimet sekrete perëndimore, por kjo nuk do të thotë se Vladimir Putin ka hequr dorë nga ky synim ndonëse sot bën sikur tallet me Perëndimin! Ambasadori i Rusisë në BE, Vladimir Çizhov duke hedhur poshtë paralajmërimet amerikane për sulmin mbi Ukrainë thotë se luftërat në Evropë rrallë fillojnë ditën e mërkurë.

“Sa i përket Rusisë, ju siguroj se sulm nuk do të ketë këtë të mërkurë. Nuk do të ketë as përshkallëzim gjatë javës së ardhshme, dhe as gjatë asaj pasuese, as muajin e ardhshëm,” tha Çizhov për të përditshmen gjermane Die Welt.

“Luftërat në Evropë rrallë fillojnë të mërkurën,” tha Ambasadori i Rusisë në BE, Vladimir Çizhov. Qeveria amerikane tha se e konsideron të mundshëm futjen e forcave ruse në Ukrainë para përfundimit të Lojërave Olimpike Dimërore në Kinë ditën e dielë. SHBA dhe aleatët e NATO-s akuzojnë Rusinë se po përgatitin sulmin e ri në Ukrainë, pas aneksimit të Krimesë në vitin 2014, akuza që Rusia i hedhë poshtë.

Rusët akuzojnë Amerikën

Çizhov ka akuzuar Amerikën për deklaratat lidhur me sulmin e mundshëm në Ukrainë.

“Kur akuzoni, në veçanti akuza serioze kundër Rusisë, gjithashtu jeni përgjegjës që të ofroni dëshmi. Në të kundërtën është shpifje. Pra, ku janë dëshmitë?” – tha Ambasadori i Rusisë që dje gënjeu se po tërhiqet nga kufiri me Ukrainën ku ishin dislokuar mbi 130 mijë forca ruse dhe sot thotë gjithashtu se po tërhiqen, ndërsa sërish i bënë thirrje Perëndimit që t ashqyrtoj seriozisht shqetësimin e Rusisë për siguri.

“Kur partnerët tanë më në fund të dëgjojnë shqetësimet tona legjitime, procesi i qetësimit nuk do pret shumë. Kjo do të jetë në interes të europianëve nga Lisbona deri në Vladivostok, por dhe shtetet tjera në botë,” tha Ambasadori i Rusisë në BE, Vladimir Çizhov.

Ndërkohë ushtria ruse tha se tërhiqet nga Krimea, madje sipas Agjencisë ruse të lajmeve Interfax thuhet se ushtria e ka kaluar urën e Krimesë.

“Njësitet e Zonës ushtarake të Jugut dhe Perëndimit, që kryen detyrën, kanë filluar ngarkimin në trafikun rrugor dhe hekurudhor dhe do të nisen sot drejtë kazermave. Disa njësite do të marshojnë në kuadër të kolonave ushtarake,” tha zëdhënësi i ministrisë Mbrojtjes, Igor Konashenko, deklaratë të cilës nuk i besoj asnjë shtet perëndimor.

Ndërsa zëdhënësi i Kremlinit, Dmitrij Peskov, mashtrues si gjithmonë, sot bëri si shefi i tij sikur tallet me mediat perëndimore duke deklaruar se sulmi mund të ndohë në orën 3:00 të mengjesit të 16 Shkurtit.

“Ukrainasit let ë besojnë në të tilla gjëra dhe të rrinë zgjuar. Më mirë u bie sikur ta vënë alarmin dhe të binden vetë,” tha Peskov pak çaste pas mesnatës.

Por Kryetari i Bashkisë Kiev, Vladimir Kliçko, duke njohur mirër rusët dhe Putinin tha se rreziku për slumin rus është i madh dhe jemi gati për çdo skenar.

“Kjo është hera e parë në historinë e Ukrainës se kaq shumë ushtarë rus janë vendosur në kufi. Rreziku i agresionit ndaj Ukrainës është shumë i madh. Po përgatitemi për çdo skenar. Nuk dimë se si do të zhvillohet situata, por shpresojmë se deri te pushtimi nuk do të vie dhe se në momentin e fundit do të gjendet zgjidhja diplomatike,”tha Kryetari i Bashkisë Kiev, Vladimir Kliçko.

Ndryshe, Kremlini zyrtar kërkon që NATO të kufizoj të gjitha aktivitetet në Evropën Lindore dhe të premtoj se nuk do të pranoj ish-republikat sovjetike, siç është Ukraina, si anëtare e re. Moska gjithashtu kërkon ndalimin e vendosjes së sistemeve të armatosura, duke përfshirë edhe sistemin antiraketor amerikan, afër kufirit rus.