Rrëzimi i murit të uzinës, humb jetën edhe i plagosuri i dytë…

Ka ndërruar jetë në Spitalin e Traumës edhe Dashamir Hajha, 22 vjeç, personi i dytë i plagosur rëndë nga shembja e godinës në Laç, ngjarje e ndodhur të shtunën.

Dritan Lamaj, 27 vjeç dhe Dashamir Hajha, ishin duke mbledhur skrap, kur u shemb muri i godinës.

Njoftimi i policisë për ditën kur ndodhi ngjarja (e shtunë)

Me datë 07.07.2018, rreth orës 13:15, tek ish – Uzina e superfosfatit në Laç – Kurbin, gjatë gërmimeve, janë zënë poshtë nga materiale inerte 2 shtetas të cilët janë dërguar në spital, ku njëri ka ndërruar jetë.

Grupi hetimor në bashkëpunim me Prokurorinë e Rrethit Gjyqësor Kurbin, vazhdojnë hetimet në vendngjarje për sqarimin e plotë të rrethanave të ngjarjes.