Rrëzohet avioni/ Hawaii, të paktën nëntë të vdekur

Një avion i vogël që po transportonte disa persona, që dëshironin të hidheshin me parashutë, është rrëzuar në Hawaii, duke lënë të vdekur të paktën nëntë personat që ishin në bord, thanë zyrtarët, raporton RFE.

Avioni u rrëzua në afërsi të pistës Dillingham në afërsi të Mokuleai në Hawaii.

Departamenti i Transportit në Hawaii njoftoi se nga rrëzimi i avionit nuk ka asnjë të mbijetuar, raporton BBC.

Ende nuk është e qartë nëse avioni ishte duke u ngritur apo duke ateruar, në momentin kur u rrëzua.

“Deri më tani, sipas raportit të parë, dimë se nëntë persona kanë qenë në bord. Nuk ka asnjë të mbijetuar”, tha shefi i zjarrfikësve, Manuel Neves.

Ai tha se familjarët e personave në bord kishin parë nga toka rrëzimin e avionit.

“Është shumë e vështirë, unë punoj si zjarrfikës që 40 vjet këtu në Hawaii dhe ky është incidenti më tragjik ajror që kemi pasur”, shtoi ai.

Nga nëntë viktimat, tre ishin konsumatorë dhe gjashtë të tjerë punëtorë të kompanisë ajrore.