Rrëzohet avioni me 157 persona në bord

Një avion Boeing 737 i “Airlines Ethiopian” gjatë fluturimit nga Addis Abeba në Nairobi është rrëzuar pranë qytetit Bishoftu

Në avion besohet të ketë pasur 149 pasagjerë dhe tetë anëtarë të ekuipazhit në bord, raporton BBC.

Një zëdhënës tha se aksidenti ndodhi sot në orën 08:44 , menjëherë pas ngritjes nga kryeqyteti i vendit.

Përmes një deklaratë, kompania ajrore tha se operacionet e kërkimit dhe shpëtimit janë në proces por nuk dha detaje mbi numrin e viktimave.

“Stafi i ‘Airlines Ethiopian’ tashmë është në vendin e aksidentit dhe do të bëjë gjithçka që është e mundur për të ndihmuar shërbimet e emergjencës”, shtoi kompania ajrore.

Lajmi u dha fillimisht nga kryeministri Abiy Ahmed gjatë një postimi në Twitter:

“Ngushëllimet e mia më të thella për familjet e atyre që kanë humbur të dashurit e tyre”.