Rrëzohet kërkesa e Erion Veliajt, Gjykata e Lartë lë në burg Kryetarin e Bashkisë Tiranë

Gjykata e Lartë ka lënë në fuqi sot masën e sigurisë ndaj Kryetarit të arrestuar të Bashkisë Tiranë, Erion Veliaj.

Gjykata e Lartë la në fuqi vendimin e Apelit të GJKKO, duke rrëzuar rekursin e Erion Veliajt, i cili ndodhet në paraburgimin e Durrësit si i dyshuar për korrupsion, pastrim të parave, fshehje të pasurisë dhe futje të paligjshme të sendeve në ambientet e burgut.

Ndryshe, Kryetari i Bashkisë Tiranë, Erion Veliaj, është arrestuar me 10 shkurt dhe akuzohet për “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim 9 herë, dhe, “Pastrimi i produkteve të veprës penale ose veprimtarisë kriminale”.

Gjithashtu akuzohet për “futjen e sendeve të ndaluara në qelitë e paraburgimit”.