Rrëzohet në det një helikopter ushtarak Kiowa Warrior

Në rajonin e ishullit Zlarina dhe Zablaça të Kroacisë, është rrezuar në det helikopteri ushtarak Kiowa OH-58 D.

Fluturimi kishte filluar sot në orën 10:30 ndërkohë policia kroate është informuar në orën 11:06 për rrëzimin e një helikopteri në mes të Zablaçit dhe Zlarinës, aksident ë cilin e ka konfirmuar edhe ministria e Mbrojtjes e Kroacisë.

Në vendin e ngjarjes janë forcat e policisë, ambulanca të shumta si dhe pjesëtarë të ministrisë së Mbrojtjes së Kroacisë.

Shkaku i aksidentit ende nuk dihet ndërkohë ministria e Mbrojtjes bënë të ditur se janë marrë të gjitha masat për shpëtimin e ekuipazhit të helikopterit.