Rriten investimet amerikane, Yuri Kim: Vazhdoni me zbatimin e Reformës në Drejtësi!

Duke konstatuar rritjen e investimeve amerikane në Shqipëri përmes shifrave të Dhomës Amerikane të Tregtisë, AmCham, Ambasadorja e SHBA në Tiranë, Yuri Kim, bënë thirrje për vazhdimin e zbatimit të Reformës në Drejtësi sepse me rregulla të qarta dhe gjykata të pastra do të tërhiqen edhe më shumë investimet.

se me implementimin e Reformës në Drejtësi do të ketë më shumë mundësi punësimi dhe prosperitet për njerëzit.

“Shumë mirë të shohësh rritjen e investimeve amerikane në Shqipëri. Rregulla racionale, të qarta, transparente plus gjykata të pastra (d.m.th që mosmarrëveshjet të zgjidhen me ligj dhe jo ryshfet) do të tërheqin edhe më shumë investime. Le të vazhdohet me zbatimin e Reformës në Drejtësi që të ketë më shumë mundësi punësimi dhe prosperitet për njerëzit,” thekson Ambasadorja amerikane Yuri Kim përmes rrjetit social Twitter duke e shoqëruar me një postim të Dhomës Amerikane të Tregtisë, AmCham Albania ku konstatohet një rritje e qëndrueshme të investimeve amerikane në Shqipëri.

Ndryshe, në 9 muajt e parë të vitit 2021, niveli i investimeve në Shqipëri është rritur për 78 milionë euro krahasuar me një vit më parë, duke shkuar në total në 422 milionë euro.