Rritet çmimi i naftës, rënie e thellë e Dollarit

Në bursat aziatike sot çmimet e aksioneve janë rritur për të tretën ditë me radhë pasi investitorët u inkurajuan me rritjen e djeshme në Wall Street, ndërkohë shumica e kompanive amerikane kanë raportuar rezultatet e tyre të biznesit shumë më të mira se sa pritej.

Indeksi MSCI i aksioneve aziatiko-paqësore, pa ato japoneze, në orën 7:00 ishte në plus 1.5 për qind, duke u forcuar për të tretën ditë me radhë.

Më pas në bursën e Tokios, indeksi Nikkei u forcua me 2.2 për qind, deri sa çmimet e aksioneve në Australi, Shangai, Hong Kong dhe Kore të Jugut u rritën nga 0.2 deri 1.9 për qind.

Rrritja në bursën aziatike për të tretën ditë me radhë vjen për shkak të qetësimit të tensioneve në Lindjen e Mesme, si dhe rritjes së aksioneve në Wall Street për të dytën ditë me radhë.

Dollari rënie të thellë, çmimi i naftës rritet

Në tregun valutor, megjithatë, vlera e dollarit ka ra shumë thellë.

Indeksi i Dollarit, i cili tregon vlerën e valutës amerikane ndaj gjashtë valutave tjera më të rëndësishme në botë, mëngjesin e sotëm është rreth 105.60 pikë, deri sa dje ishte 106.09 pikë.

Më pas niveli i dollarit ndaj vaultës japoneze u rrit nga 154.75 jen sa ishte dje, në 154.85 jen sot.

Bazuar në ecurinë e dollarit në nivelet më të larta në 34 vitet e fundit, autoritetet japoneze kërcënojnë me ndërhyrje në mënyrë që të parandalojnë dobësimin e mëtejmë të jenit.

Por, valuta amerikane është dobësuar ndaj asaj europiane, dhe çmimi i euros ka arritur 1.0710 dollarë, deri sa dje ishte 1.0655 dollarë.

Çmimi i naftës pësoi një rritje të lehtë. Çmimi i barelit në tregun londinez sot u rritë me 0.03 për qind, në 88.45 dollarë, deri sa në tregun amerikan bareli u rrit me 0.07 për qind, në 83.40 dollarë.

Ndryshe, të premten pritet publikimi i raportit për inflacionin në SHBA, që mund të ndikoj në drejtimin e tregut. Ka kohë që pritet nga Fed të ul dukshëm normat e interesit, dhe kjo tashmë thuhet se do të ndodhë duke filluar nga qershori i këtij viti.

Por, gjithnjë e më qartë është se Banka Qendrore nuk do të nxitoj me uljen e normave të interesit sepse tregu i punës vazhdon të jetë i fortë, ekonomia po rritet, e inflacioni vazhdon të jetë i lartë.

Kjo është dhe arsyeja se pse po qarkullojnë spekulimet që procesi i uljes së normave të interesit mund të filloj në vjeshtë.