Rritet sërish numri i të vdekurve nga koronavirusi në Itali – 743, por ka dhe lajme të mira…

Sërish shifra të frikshme vijnë nga Italia me koronavirus! Pas dy ditëve shpresdhënëse ku numri i viktimave pësoi rënie, gjatë 24 orë të fundit koronavirusi u mori jetën 743 personave duke e çuar bilancin total në 6.820 viktima, bëri të ditur kreu i Emergjencave Civile, Angelo Borelli, duke folur për ditën e dytë më të zezë që nga shpërthimi i epidemisë.

Por ka dhe lajme të mira nga Italia. Janë zbuluar 3.612 raste e reja ose 168 më pak se dje ndërsa numri total shkon 54 030 persona të infektuar.

Po ashtu është rritur dhe numri i të shëruarve. Brenda 24 orëve janë shëruar 903 të infektuar ose 495 më shumë se dje, duke e çuar në 8.326 numrin e të shëruarve.

Kreu i Emergjencave Civile, Angelo Borelli, tha se vështirësia më e madhe me të cilën është përballur Italia është mungesa e maskave dhe respiratorëve, problem i cili rrënoi sistemit shëndetësor nga shfaqja e parë e virusit në Lombardinë e pasur veriore më 21 shkurt.

Ndryshe, dje në Itali kanë ndërruar jetë 602 persona, të delen 651, ndërsa të shtunën 793 persona.