Rritja e Borxhit Publik, Basha: Jo për të ndihmuar qytetarët, por për të mbushur xhepat e Ramës!

Ramavirusi po e gërryen nga brenda ekonominë tonë, konstaton Kryetari i Partisë Demokratike, Lulzim Basha, me rritjen stratosferike të Borxhit Publik në 80% të Prodhimit të Brendshëm Bruto, duke i dhënë kështu ekonomisë dhe një goditje fatale vetëm për të mbushur xhepat e Ramës dhe oligarkëve në shërbim të tij..

“Ky borxh që rëndon mbi qytetarët po përdoret jo për ti ndihmuar ata në këto ditë të vështira, por për të mbushur xhepat e Ramës dhe oligarkëve në shërbim të tij. Për shkak të Ramavirusit, sot gjysma e shqiptarëve janë pa punë dhe mbijeton në kufirin e varfërisë.”

Por shqiptarët kanë mundësi të jetojnë më mirë dhe të kenë më shumë, siguron Kryetari i Partisë Demokratike në reagimin e tij përmes rrjetit social Facebook duke shtuar se Shqiptarët kanë nevojë për një qeveri që jua lehtëson barrën e taksave dhe që rrit punësimin dhe investimet.

“Shqiptarët meritojnë një qeveri të përgjegjshme dhe serioze e cila nuk do ti lërë më në mëshirën e fatit, por do t’ju bëhet krah në ditët e tyre më të vështira,” thekson në fund Kryetari i Partisë Demokratike, Lulzim Basha, duke përfunduar:

Ne për këtë po punojmë sepse ditë më të mira do të vijnë për të gjithë ne!