Rritja e çmimit naftës, miellit…Populli në protestë, Rama në FB: Bord kombëtar për karburantet!
Deri sa radhët e protestave kundër rritjes së çmimeve të naftës dhe artikujve të shportës që nuk kanë të ndalur po shtohen dhe Kryeministri Edi Rama e bëri të qartë që në rritjet e para se është çështje tregu, mbrëmjen e sotme papritmas shfaqet Kryeministri në rrjetin social Facebook; Me skenar të ngjashëm nga pandemia kur jepte leje se mund të dalim në ballkon, një ditë edhe të blejmë bukë, e meqë ishim milet i dëgjueshëm toleronte me rate se munnd të blejmë kastraveca e domate, duke dhënë lajmin se brenda 48 orëve do të vendoset një Bord kombëtar ku do të vendoset mbi çmimet e karburanteve.
Sqaroi se detyra e këtij Bordi ishte të ulet çdo ditë në tryezë me furnizuesit e naftës në vend dhe do të shikohen të gjitha tarifat e blerjes dhe në rast se çmimi vendoset mbi normën e vendosur nga qeveria, atëherë do të ketë masa drastike.
Por kjo nuk i ngrohi protestuesit të cilët donin një përballje me Kryeministrin, por Edi Rama ndërsa po i vëzhgonte përmes ekranit e kuptoi se ende nuk kemi të bëjmë me një masë që i cenon pushtetin ndonëse sonte ishin mbledhur në shumë kryqëzime nëpër Shqipëri, dhe u ktheu përgjigje se është i gatshëm të dëgjojë dhe të dëgjohet, por se të shahet, të akuzohet dhe të përballet me ulërima është humbje kohe.
Fillimisht u mundua të qetësoi shpirtërat që nuk po duronin më jetesën me çmime të reja dhe pa lekë në xhep:
“Nuk funksionon kështu. Hoqëm para shumë kohësh TVSH mbi bukën, rezultati: Asnjë ulje çmime. Tregu i lirë nuk i lëviz çmimet me urdhër. Nuk do të rrimë duarkryq. Duhet t’ju kthej në ditët e tërmetit dhe pandeminë. Kic i dolëm mbrojte atëherë njerëzve të këtij vendi, do i dalim përsëri në nevojë njerëzve në këtë situatë. Kur them është situatë e provokuar nga lufta, atëherë nuk do të rrimë duarkryq. Duhen disa orë për të vendosur gjërat bashkë. Unë nuk fle, edhe kur të gjithë ata që na japin recetat e gatshme flenë. Aq shumë shqiptarë, familje, përballen me vështirësitë sa askujt nuk i është dhënë mundësia që ti njoh. Mos më jepni leksione si jetojnë njerëzit, sepse jetoj me njerëzit.
Unë i dëgjoj edhe këta, e të gjithë të tjerët, por në fund të ditës përgjegjësia për të udhëhequr ngrihet mbi fakte, të vërteta. Tani, përtej faktit se nafta është mall në tregun e lirë, sot përderisa themi që ky vend është në luftë. Nuk është në luftë me armë, por ka ardhur lufta në këtë vend me faturën e çmimit të naftës dhe çmimet e tjera. Duhet të trajtojmë situatën si në luftë. Do të ndërhyjmë duke krijuar brenda 48 orësh, pjesë e planit, që do të shpaloset i gjithi, me një akt normativ, një bord kombëtar të administrimit të karburantit kur furnizuesit do të bëjnë transparencën në mënyrë të përditshme dhe marshi do të përcaktohet në atë tavolinë dhe do të flitet për të gjithë aspektet. Nuk do të shfaqen çmime të miratuar më parë nga bordi do të përcaktohen masa drastike për ata që cënojnë vendimet e bordit,” tha Edi Rama ndërsa për kërkesën e protestuesëve radhët e të cilëve sa shkon e shtoheshin pavarësisht premtimeve që po jepte Kryeministri, që të dalë para tyre, përgjigja ishte negative.
“Nuk kemi se si dëgjohemi këtu përpara se unë jam shumë i gatshëm të dëgjoj dhe të dëgjohem, por të shahem dhe të akuzohem dhe të përballem me ulërima mbi bazë faktesh të sajuara, kjo është humbje kohe për mua, dhe është pavlefshme për ata të cilët unë jam këtu.
Për fjalim dal me qejfin më të madh, por për të mbajtur një fjalim ku të dëgjohem, jo të mos lejohem të flas. Ju vazhdoni me rrëzimin e komunizmit, ne do vazhdojmë me përpjekjen tonë në krahë të njerëzve të zakonshëm. Në krah të atyre që nuk kanë X5, të atyre që nuk kanë iPhone të modelit të fundit, në krahë të atyre që na kanë pasur në krahë.
Edhe në Shqipëri çmimet po bien dhe po e them përsëri. Kjo është një temë që do e adresojmë dhe do bëjmë transparencë të plotë. Do hyjë qeveria në bordin kombëtar për emergjencën e karburantit dhe askush nuk do mund të bëjë asnjë spekulim dhe të nxjerrë asnjë qindarkë më shumë. Sot jemi në fillimet një gjëje që nuk e dimë si do zhvillohet. Gjëja më e rëndë që kemi përpara potencialisht dhe ua them sepse di që e vërteta është ilaç i hidhur, por i domosdoshëm, nuk i them për panik as humbje shprese, por kur je përballë kësaj vështirësie, je i destinuar të pësosh disfatë. Gjëja më e rëndë që mund të ndodhë përpara është mungesa e naftës, e energjisë,” tha Kryeministri Rama duke e bërë të qartë se edhe sot kur dalin në treg për të marrë energji, është se edhe nuk e gjejnë dot sasinë e nevojshme të energjisë, pra bota është në krizë energjetike, ky është fakt, bota e ka thelluar maksimalisht dhe duhet të jemi shumë realistë.
Ndërsa policët e Çuçit filluan të shpërndajnë racionin e caktuar të drurit për protestuesit që kishin bllokuar kryqëzimet, Edi Rama i pa papenguar vazhdoj përrallën me Bordin duke shtuar se nesër në mëngjes do t’ju komunikojë furnizuesve të naftës vendimin për të ndërhyrë me anë të Bordit Kombëtar ndërsa protestuesit pavarësisht se çfarë tha Kryeministri tha se do të mbledhen nesër sërish.
“Në planin tonë do të vendosim kursime të forta, të energjisë, naftës. Nuk duhet të kapemi pas një fjale. Në Dubai është hera e parë që shkoj për të qëndruar. Nuk iki për turizëm. Shkova për të nderuar flamurin kombëtar të Shqipërisë. Shkova njësoj siç kanë shkuar të gjithë kryetaret e shteteve. E kam mik princin e kurorës, është mik i rifituar i Shqipërisë, pas një pengu që kishte me Shqipërinë. Siç na ndihmoi për atë lagjen në Spitallë që po ndërtohet tani, do të na ndihmojë edhe për këtë situatë. Të këshillova të ecësh në këmbë, po patjetër që duhet të kursejmë. Është dhe çështje e sasive të disponueshme. Mund të vijë dita që s’ka naftë e energji, duhet të përgatitemi për të gjitha. Duam s’duam ne, kjo që ndodh sot, është pasojë e asaj lufte. Nafta jonë shkon për eksport, bitum.
Vendi ynë sot eksporton thuajse gjysmën miliardi prodhime bujqësore. Nuk mund të themi që të mobilizojmë popullin për të mbjellë grurë, nuk funksionon kështu si në komunizëm. Në luftë s’do të bëjmë toleranca. Nuk janë spekulime të një natyre çmendurake,” tha Kryeministri Edi Rama duke përfunduar:
“Do të bëhet transparenca e çmimit dhe nuk do të lejohen që kompanitë të fitojnë pafund. Do të fitojnë në mënyrë minimale. Faktet janë të tjera. Është e vërtetë që kemi dhe preferuar të vendosim një taksë tek nafta, te çmimi, te litri, se sa më vete dhe më mirë një taksë kundër ndotjes dhe për një pjesë të njerëzve që kanë më shumë mundësi se të tjerët, se sa për të gjithë. Ky është fakt. Le të çohen dhe të thonë të kundërtën. Kemi rritur taksën për më të pasurit. Atyre ua kemi rritur e të gjithëve të tjerëve i janë ulur.”
