“Rritje pagash për mjekët”, PD: Edi Rama njeh vetëm mashtrimin!

Pas premtimit të Edi Ramës për rritje pagash për mjekët, ka reaguar Partia Demokratike përmes Ish–Deputetit Dr.Bardh Spahia, duke e vlersuar tē ngjashëm si premtimin për listat e hapura: Mashtrim!

“Me Edi Ramën në krye të qeverisë nuk ka për të patur rritje të vërtetë pagash për mjekët. Deklaratat e Ogerta Manastirliut dhe Elisa Spiropalit për rritjen e rrogave të mjekëve janë zgjatje e agonisë së një pushteti të kalbur, gati për t’u shembur në 25 Prill,” tha Dr.Bardh Spahia duke shtuar se ka një muaj që flasin për rritje pagash, por nuk kanë asgjë konkrete, sepse modeli i vetëm i Edi Ramës është mashtrimi! Po i mashtron mjekët dhe infermierët njëlloj siç mashtroi shqiptarët për shëndetësi falas.

Partia Demokratike ka një projekt konkret për rritjen e pagave, 1200 euro/muaj për mjekët, 700 euro/muaj për infermierët, thekson Ish-Deputeti i Partisë Demokratike, Dr.Bardh Spahia, duke garantuar:

“Është një nga projektet tona më të rëndësishme për t’u dhënë shqiptarëve një sistem shëndetësor, që punon për ta, jo për një grusht njerëzish.”