Rritje të rasteve, Komiteti Teknik: Masat Anticovid nuk ndryshojnë! Fluturimet me Britaninë…

Duke konstatuar se numri i pacientëve të shtruar në spital dhe i atyre në terapi intensive ka pësuar rritje, Komiteti Teknik i Ekspertëve sot la vendosur që të gjitha masat kufizuese që janë aktive deri më tani, të vijojnë të jenë në fuqi.

Ndërkohë për fluturimet me Britaninë e Madhe, të cilat janë pezulluara për shkak të variantit të ri të koronavirusit të shfaqur fillimisht atje, Komiteti Teknik të Ekspertëve vendosi që ky pezullim të vazhdoj deri më 1 Shkurt.

“Do vijojmë të kemi në zbatim masat që tashmë janë dhe që kanë dhënë impakt dhe që ka dhënë efekt: 18 janari është dita e fundit për vlerësimin për fluturimet me Britaninë, Komiteti ka marrë vlerësim se fluturimet me Britaninë do të mbeten të pezulluara deri në datën 1 shkurt,” tha Manastirliu duke shtuar

“Gjithashtu do të qëndrojë në fuqi ora policore 22:00-06:00, kufizimi i aktivitetit të bareve dhe restoraneteve, përveç shërbimit në shtëpi. Universitetet do të vijojnë mësimin online deri në një vlerësim të dytë”.

“Kemi pasur rritje në javën e datave 2 deri 15 janar, një rritje me 260 raste në 14 ditët e fundit. Nga ana tjetër kemi rritje të numrave të rasteve në Bashki, duke u rritur numri i bashkive me raste të reja nga 44 në 52 bashki me një mesatare të përjavshme.

Sa i përket numrave të pacientëve në spitale përsëri rritje të rasteve. Edhe pse duhet të themi se rritja është e qëndrueshme gjithmonë një situatë ku tregon se duhet të kemi kujdes të shtuar dhe rritje të vigjilencës për të parandaluar cdo rritje të mëtejshme.

Në tërësinë e vlerësimit epidemiologjik, duke vlerësuar pozitivitetin në raport me testimet e kryera, vijon testimi në terren. Janë rritur testimet me teste të shpejta dhe PCR, vlerësohet se ka rritje të qëndrueshme të pozitivitetit. Qytetarët të vijojnë të tregojnë kujdes. Kjo rritje vjen edhe si pasojë e festave të fundvitit dhe grumbullimeve nëpër familje për të festuar. Ne do të vijojmë të kemi në zbatim masat që i gjykojmë si masa që kanë dhënë impakt dhe i gjykojmë se kanë dhënë efekt,” tha Manastirliu duke përfunduar:

Vijojmë punën me testimet në terren, puna në 4 spitalet vijon pandalur në shërbim të qytetarëve. Ne kemi siguruar të gjitha kapacitetet e nevojshme, furnizime me barna e materiale që mjekët të kenë kapacitetet e nevojshme për të trajtuar pacientët.”