Rrjedhin dokumente: Forcat detare ruse të stërvitura për të sulmuar shënjestrat në Evropë
Rusia ka stërvitur forcat detare që të gjuajnë shënjestrat thellë në Evropë me predhat që kanë koka bërthamore, për një konflikt potencial me NATO-n, raporton Financial Timesa.
Harta e shënjestrave thellë në Evropë, si bregu perëndimor i Francës dhe qyteti port Barrow-in-Furness në Mbretërinë e Bashkuar janë treguar në detaje gjatë një prezantimi për oficerët rus, e cila ishte hartuar para pushtimit rus të Ukrainës, thekson Financial Times duke ju referuar dokumentave të cilat gazetarët e tyre i kanë parë.
Kohë më parë, po kjo gazetë ka shkruar për të dhënat nga 29 dosje të shërbimeve sekrete ushtarake, ku është e qartë se forcat ruse janë stërvitur për përdorimin e armatimit taktik bërthamor në fazat e para të konfliktit me fuqinë e madhe botërore.
Zbulimet më të reja nga këto dokumente tregojnë se Rusia mendon për një konflikt me Perëndimin, i cili do të dalë shumë larg kufijve të saj me NATO-n, dhe planifikon një seri goditjesh të fuqishme në gjithë Evropën perëndimore. Dokumentet, Financial Times i janë treguar nga burimet perëndimore.
Dokumentet ruse janë hartuar në periudhën 2008-2014 duke përfshirë listën e shënjestrave për predhat që mund të kenë koka bërthamore konvencionale ose armatim taktik bërthamor.
Analistët luftarak pasi i kanë parë këto dokumente u shprehën se në përputhje me vlerësimet e NATO-s janë kërcënime nga raketat me rreze të gjatë veprimi nga forcat detare ruse, por dhe shpejtësinë me të cilën Rusia do të shmangte opsionin bërthamor.
Hartat që janë përgatitë për qëllime prezantimi dhe jo operative, ilustrojnë 32 shënjestra të NATO-s në Evropë për flotën detare ruse. Ja disa shembuj.
– Shënjestrat e flotës baltike ruse kryesisht në Norvegji dhe Gjermani – duke përfshirë bazën detare në Bergen, si dhe qendrat me radar dhe objektet e forcave speciale.
– Flota ruse e veriut duhet të shënejstroi pikat mbrojtëse-industriale, siç është fabrika për ndërtimin e nëndetëseve në Barrow-in-Furness në Anglinë veriperëndimore. Shënjestra në afërsi të Hullit mund të jetë shënjestër industriale, e cila është shënjuar me një tymtar.
– Prezantimi gjithashtu ilustron se doktrina ruse mund të zbatohet në luftërat e mundshme në Detin e Zi, Liqenin Kaspik dhe Paqësor. Skenarët përfshijnë luftëra me aleatët aktual, si Kina, Irani, Azerbajxhani dhe Korea Veriut.
Ish-Zyrtari i NATO-s që sot punon për think tank Stimson Center, William Alberque, tha se kampioni është pjesë e vogël e pjesës prej “qindra, e ndoshta dhe mijëra shënjestrave të përcaktuara në hartë nëpër gjithë Evropën, duke përfshirë dhe shënjestra ushtarake dhe kritike të infrastrukturës”.
