Rrjedhin e-mesazhet, dhëndri i Putinit mori dhuratë prej 380 mln dollarë

Deri sa Zëri Amerikës në gjuhën shqipe vazhdon me baltosjen e Presidentit të SHBA, Donald Trump, dhe “përpjekjet e tij të dëshpëruara”, duke krijuar përshtypjen se po raporton për Presidentin e Rusisë, Vladimir Putin, serviset në gjuhët tjera të kësaj kompanie mediatike që financohet nga qeveria amerikane vazhdojnë të bëjnë lajme normale; Ndoshta kjo vjen edhe nga fakti se lajmi detyrimisht bëhet ndryshe kur nuk je bërë pis në mediat komuniste të Tiranës që i financon pasardhësja e PPSH, Partia Socialiste!

Gjithsesi, po sjellim një shkrim të Zërit Amerikës në gjuhën boshnjake për të kuptuar se çfarë do të thotë të jesh dhëndër i Presidentit të Rusisë, Vladimir Putin, dhe një ditë të mbushet mendja se edhe mund të divorcohesh!

nga Jamie Dettmer

Ceremonia e martesës nga shkurti i vitit 2013 ishte një skandal treditor në qendrën e skive afër Shën Petersburgut në Rusi. Çifti i lumtur ishte Jekaterina Tikhonova, vajza e vogël e Presidentit të Rusisë, Vladimir Putin, dhe Kirill Shamalov, djali i mikut më të vjetër të presidentit rus. Në mesin e dhuratave martesore ishte një pjesë e madhe e gjigantit petrokimik Sibur.

Sipas e-mesazheve që rrjedhën, dhe të cilat i zbuloi Agjencioni hulumtues rus

iStories, partner i konsorciumit ndërkombëtar, Projekti hulumtimit mbi krimin e organizuar dhe korrupsionin, OCCRP, dhëndri i ri i Putinit arriti të blejë aksione petrokimike me vlerë rreth 400 milionë dollarë, për vetëm 100 dollarë.

Zbulimi ka nxitur disa kritika të fushatave antikorrupsion, që thonë se marrëveshja në fjalë është edhe një shembull i nepotizmit në Kremlin dhe se si familja e Putinit, bashkëpunëtorët dhe miqtë e tij janë pasuruar gjatë qëndrimit të gjatë të liderit rus në pushtet.

“Thjeshtë,” u shpreh lideri opozitar rus, Alexei Navalni, përmes rrjetit social Twitter duke shtuar:

“Vajza e Putinit po  martohet, dhe çifti merr dhuratë prej 380 milionë dollarësh.”

Pasi u martua me Tikhonovën, Shamalov bleu 3.8%  të aksioneve në Sibur përmes rrjetit të kompanive off-shore, theksojnë hetimet. Gjatë vitit 2008, Shamalov u bë dhe njëri nga Zv/Presidentët e Siburit.

Kreu i këshillit drejtues të Siburit, Dmitrij Konov, në një deklaratë për media u shpreh:

“Kushtet për shitjen e aksioneve nuk kanë dalluar nga ata për menaxherët tjerë. Nuk kishte kushte ekskluzive për KN Shamalovin.”

Në komentin e web faqes RBC News, Konov tha se shpenzimet reale të aksioneve ishin shumë më të mëdha, duke përfshirë këtu edhe rrogën e marrë si pjesë e marrëveshjes mbi përvetësimin e aksioneve dhe kushtet tjera të papërcaktuara.

E-mesazhet private që kanë rrjedhur gjithashtu sugjerojnë se çifti i ri bashkëshortor ka shpenzuar pa kufi, duke blerë dhe vilën luksoze afër asaj të Putinit, në periferi të Moskës, dhe vilën në pikën turistike franceze Biarritz. Mobilet ishin shumë të shtrenjta, një tapet kushtonte 65.000 dollarë; disa libra japoneze kushtonin 7000 dollarë, e spa rreth 350.000 dollarë ,thuhet në e-mesazhe.

Kirill është djali i Nikolaj Shamalov, milioner dhe sipërmarrës, i cili në vitet ’90 së bashku me Putinin ka themeluar bashkësinë Ozero, koperativë fshati afër Shën Petersburgut. Shumë anëtarë të koperativës Ozero morën vendet udhëheqëse në qeverinë ruse dhe ndërmarrjet e saj, pasi Putin u bë President i Rusisë.

Vetëm një vit pas martesës me Tikhonovën, Shamalovi arritit të siguroj një kredi të madhe nga banka Gazprom e lidhur me Kremlinin për të marr pjesën më të madhe të aksioneve në Sibur, 17%, duke u bërë dhe miliarderi më i ri rus, vetëm 32 vjeç. Vëllau i tij ishte Zv/Preisedent i bankës Gazprom në kohën e miratimit të kredisë. Ai dhe Tikhonova u divorcuan më 2018.

Shamalov ishte në mesin e zyrtarëve dhe bashkëpunëtorëve të familjes Putin të cilët Washingtonin i sanksionoi për shkak të aktiviteteve të çuditshme  të Rusisë, duke përfshirë dhe ndërhyrjen në zgjedhjet amerikane.

Zëdhënësi i Kremlinit, Dmitrij Peskov i hodhi poshtë raportet mbi dhuratat martesore.

“Ende përmbahemi nga komentimet e deklaratave të këtij lloji,” tha Peskov para gazetarëve duke shtuar:

“Zëra të tillë shpesh nuk kanë kurrfarë lidhje me realitetin.” 

Këto raportime Peskov i quajti fushatë të thashethemeve dhe hetimet mediatike për familjen e Putinit i cilësoi gënjeshtra që nuk mund ta arrijnë qëllimin e tyre.

Raportimet mbi pasurimin financiar të familjes Putin dhe bashkëpunëtorëve të tij kanë përshkallëzuar në muajt e fundit. Në një nga rrëfimet e fundit thuhet se ish-atletja olimpike, Alina Kabaeva, e cila thuhet se është dashnorja e Putinit, ka marrë rrogën vjetore 10 milionë dollarë, pas emërimit në krye të shtëpisë mediatike pro Kremlinit. Dhe, nuk kishte përvojë me media dhe drejtimin e tyre.

OCCRP thotë se vendimi për publikimin e e-mesazheve ishte vendim i vështirë.

“E para, autenticiteti i dokumenteve të marra nga një person i panjohur mund të vihet në dyshim. Për ta konfirmuar arkivin e Shamalovit, e-mesazhet fillimisht i kanë strukturuar dhe indeksuar analistët e të dhënave pranë OCCRP. Reporterët e IStories për një vjet i kanë kryer verifikimet,” sqaron Agjencia.

Inboxi i mesazheve përfshinte diku mbi 10.000 mesazhe të shkruara dhe këmbyera nga viti 2003 deri në vitin 2020. E-mesazhet, thonë reporterët e OCCRP, zbardhin se si fëmijët dhe nipërit e bashkëpunëtorëve dhe miqve të Putinit nga Shën Petersburgu, e bëjnë pasurinë dhe fuqinë e tyre.

Pas martesës me vajzën e Putinit, e-mesazhet sugjerojnë se si Shamalovit i serviloseshin biznesmenët rus, që zënin radhë me oferta të mëdha dhe kërkesa për ndihmë. Disa madje i kanë ofruar aksione falas në kompanitë e tyre, me shpresën se do të përfitojnë nga bashkëpunimi. Gjithashtu mori thirrje nga biznesmenë të ndryshëm ku kërkonin që vjehrri i tij Putin, të ndërhyjë në konteste tregtare. Por ajo që u mblodh gjithashtu u humbë. Pas divorcit me Tikhonovën, Shamalov thuhet se hoqi dorë nga aksionet e tij në Sibur.