Rrogat e Kushtetueses, Spiropali: Kush të mori me qira sot? Berisha: Këtë Frojdi e quan zilia falike!

Pasi Kryetari i Partisë Demokratike, Sali Berisha, e akuzoi Edi Ramën që me bedelët tij po miraton rritjen e rrogave të gjyqtarëve të Gjykatës Kushtetuese që shkojnë deri në 80 pensione shqiptare, e ngarkuara për t’ju përgjigjur Berishës kur mungon Rama që zyrtarisht e ka quajtur ministre të Shtetit për Marrëdhëniet me Parlamentin, Elisa Spiropali, e pyeti liderin e opozitës se “kush e mori me qira”, fjalim nga i cili Dr.Berisha konkludoi se “ky është kompleks i stadit të tretë që u ndodh edhe vajzave, që Frojdi e quan, zilia falike!”

“Kush të mori me qira sot? Kanë filluar të marrin me qira tani. Të hedhin edhe ndonjë kocë këtej e andej gardhit për tu marrë me njerin dhe tjetrin. Ta kuptoj moshën dhe hallin. është e paimagjinueshme që një gjysh që duhet të ishte mbyllur me turp sot, del në foltore dhe përmend problemet e tij të rënda. Me që fole për të varfrit e Shqipërisë, ti që paguhesh nga pasanikët më të mëdhenj të Shqipërisë, ti që sulmon ata që nuk të japin favore, unë për ty kam vetëm dy fjalë: më vjen keq për katandisjen tënde. Ke qenë kryeministër dhe nga kryeministër snajperist, je kthyer në një snajper me qira. Ata që të përdorin, do të të lënë ashtu siç je i zhveshur nga cdo moral. Ku humbur Sali. e di që të ka mbetur në fyt kocka e Shkodrës,” tha Elisa Spiropali pa sqaruar nëse rroga e një gjyqtari të Gjykatës Kushtetuese nga sot e tutje do bëhet sa 80 pensione shqiptare. 

Ndërsa Sali Berisha tha se ndonëse Elisa përdori një term jo shumë të fisshëm, ai nuk do të bie në vulgaritetin që kërkon Spiropali, por shtoi:

“Do i them dy fjalë kësaj Elizës. Ke përdorur një term jo shumë të fisshëm.

Po unë nuk do merrem më këtë, ti kërkon të biesh në vulgaritet, por unë nuk bie.

Unë jam mjek dhe Zigmund Frojd ka gjetur se zhvillimi i njerëzve kalon në pesë faza.

Faza e tretë është stadi falik. Shumica e kalojnë si një stad të pranuar. Disa mbeten aty dhe disa kanë kompleksin e Edipit.

Ky kompleksi i stadit të tretë u ndodh edhe vajzave. Problemi është se Frojdi e quan këtë, zilia falike te vajzat,” tha Kryetari i Partisë Demokratike, Sali Berisha, duke ju përgjigjur Spiropalit, përgjigje që Kryetarja e Parlamentit e cilësoi si “urrejtja ndaj vajzave dhe grave” dhe ndërpreu fjalën ndone ishte vetëm citim i Zigmund Frojdit.

“Ndërpritet fjala. Një fjalor aspak etik që e ka bazën te urrejtja që keni ndaj vajzave dhe grave.”