Rrufeja në Shkodër, humb jetën një nga të plagosurit/ Detajet…

Rrufeja e rënë sot në fshatin Sukaj të njësisë administrative Dajç në Shkodër i ka marrë jetën një qytetareje 53 vjeçe dhe ka plagosur dy të tjerë.

Burime zyrtare nga policia bënë të ditur se të tre personat ishin duke punuar tokën në momentin kur u goditën nga rrufeja.

Ata janë transportuar drejt spitalit të Shkodrës, por gruaja humbi jetën gjatë rrugës.

Informacion paraprak

Me datë 17. 07 .2018 rreth orës 14:30, është marrë njoftim se në fshatin Sukaj – Dajç, në Shkodër, një rrufe ka goditur një traktor në një arë, në të cilin ishin 3 shtetas duke punuar tokën me të.

Për pasojë ka ndërruar jetë shtetasja V. L., 53 vjeçe banuese në fshatin Sukaj, si dhe kanë marrë lëndime shtetasit N. V., rreth 60 vjeç, dhe C. L., rreth 50 vjeç, të cilët po dërgohen në Spitalin Rajonal Shkodër për ndihmën e nevojshme mjekësore.